«Аавин Байруш 2012 » нертә марһана сүл девснг эн өдрмүдт давв

«Аавин Байруш 2012» нертә марһана сүл девснг эн өдрмүдт давв. Марһанд нәәмн настаһас авн арвн хойр нас күрсн бичкн күүкд орлцж төрскн хальмг келән, туужан яһж меддгән үзүлв. Давсн марһана һол күслнь — бичкдүд дунд хальмгин сойл делгрүллһн болжана.

Ке сәәхн бүшмүдтә тәәз деер һарсн бичкн күүкн Самтона Делгр түрүн минутас авн олн улсиг байрулла. Цуглурсн улс альхан ташв. Бичкн күүкн делгр тиим марһандтүрүн болж орлцжана. Эн марһанд һал нертә испанск келн улсин би бииллә.

Би эн марһанд олн күүкдлә таньлдлав. Дала соньн юм медж авлав, би эн марһанд диилв бәрх санатав гиж күүкн маднд келж өгв. Диилвр бәрхлә мана өөрхн элгн садн тенкән уга байрта бәәх.

Нәәмн наста Аида Сейденабдилова билг эрдмин марһанд домбр цокад хальмг айсарн олыг байрулла. Аида тиим марһасмудт дангин орлцна. Москвина Диана хонх нертә бичкдүдин колеективла тәәз деер һарад билг эрдмән үзүллә. “Аавин Байруш” нертә марһана финалд арвн негн күүкн һарв.

Заалд суусн улст ке сәәхн бүшмүд омссн күүкдин һарһлһн икәр таасгдв. Күүкдт наадһас цецгүд һартнь бәрүлж өглә. Эн марһаг бүрдәсн һардач Татьяна Милованован келсәр эн марһана һол күсл художественнэстетическ эрдм дасслһн болжана.

Бичкн цагасн тиим марһасмудт орлцхар седжәх күүкд билг эрдмтә болх зөвтә. Тер юнгад гихләг эдниг олн улс сонсна. Тәәз деер һарсн күүкн юмнас әәлго бийән сәәнәр бәрх зөвтә.

Давсн марһан цуг күүкд байр үүдәв. Орлцач болһн тәәз деер һарад эврәннь билг эрдмәрн олыг байрулж чадв.

Энән Делгр, Ирчин Алексей