Африканск келн улс хальмг көвүд күүкдлә шин жилиг тосх

Хальмгин университетд сурһуль сурч йовх африканск оютнр эн өдрмүдт шин жилин байрт белдвр кежәнә. Эднд хальмгин оютнр дөнгән күргжәнә. Декабрь сарин һучн негнд оливье салат кех, болв эврәннь үүрмүдән эврә келн-улсин хотар тоох саната.

Шин жилин байрин тускар африканск оютнр кесг шин үгмүд дасч авв. Киитн Аав, Цасн күүкн, һазур тиим үгмүд эдн меднә. Шин үгмүд дасх амр болхин төлә багш Василий Колодько эднлә олн зүсн наад бүрдәһәд күнд үгмүд дасна.

Өдгә цагт хальмгин ик сурһульд йисн африка орн нутгас ирсн оютнр сурһуль сурчана. Бенин республикин бәәрн күн давсн жилд хальмг танһчур ирсн билә. Бүкл жилин эргцд му бишәр хальмг кел болн авг бәрц меддг болв. Энүнә экнь орс, тегәд орс кел дасхд невчкн амр болв.

Африканск келн улс шин жилин байриг тосхш, эднә орн нутгд үвл ирхш. Эдн рождествон байр темдглнә. Хальмг ик сурһулин багшнр африканск оютнрин төлә декабрин хөрн дөрвнд сочельник нертә байр темдглв. Рождествен байриг оютнр темдглхш дигтә эн цагла эдн эврәннь шүүврән өгнә. Тегәд цаг уга болна. Декабрин һучн негн асхн арвн хойр часла африкаснк келн улс Әрәсән әмтнлә хамдан Әрәсән президентин келсн йөрәлин үг сонсна. Ширә эргәд шимтә әмтәхн хот хоолан ууна.

Негдгч курсин оютн Эрик Гнами журналистикин факультетд сурһуль сурчана. Журналистнрин көдлмш энүнд әвр таасгджана. Иргчдән эн баһ наста көвүн Әрәсәд көдлх саната.

Иргчдән Әрәсәд көдлхәр санатав, энүнд тенгрин бәәдл йир киитн, түрүн авгтан ийр күнд болв. Цасн орсна хөөн һаза һарад цасар наадвидн, тенкәр уга байрдавидн.

Декабрь сарин һучн негнд эдн шин жилин байран обөежитьд тосхар бәәнә. Келн улсин хувцан өмсәд, хотан чанад байран темдглхвидн гиж оютнр маднд келж өглә. Эдн шин жилин байрт эврәннь үүрмүдән дуудх саната. Өдгә цагт арвн йинс келн улс мана университетд суруһль сурчана.

Эднә төлә ик сурһульд сән таал бүрдәгджсн бәәнә, үүмүлжәх төрмүдәр бидн дангин эднәс сурнавидн, арднь орда дөнгән күргнәвидн, жил болһн энд сурһулән йилһән сәәнәр сурад герүрн хәрнә, талдан чигн универститед орад медрлән сәәнәр үзүлнә гиж болан кернмн маднд келж өглә.

Эндрю Амограх Ганас цөн сар хооран хальмг танһчур ирсн билә. Өдгә цагт баһ наста көвүн орс кел дасчана. Орс кел дассна хөөн оютн талдан кичәлмүдт орлцж чаджана. Китд орн нутгас ирсн оютнрт орс кел дасхд йир күнд болна. Китдин оютнр киитнәс әәхш, үвлин цагт әвр дурта. Эдн ирсн цуг оютнр сурһулән йилһән сәәнәр сурх саната, шин жилин байриг бас байрта кевәр тосхар бәәнә.