Әрәсән президент Владимир Путина пресс-конференц давв
Өцклдүр Әрәсән президент Владимир Путин журналистнрлә пресс-конференц давулв. Эн ик чинртә керг үүлдврт күсдүндур минһн әрәсән болн талын регионмудын хойр зун һар журналистнр орлцв.
Әрәсән президент Владимир Путина пресс-конференцд әрәсән күсдүндур болн хойр зун һар талын регионмудын журналистр орлцв. Эн ик чинртә керг үүлдвр кремлин медлд давулгдсн уга һэн жилд хулд гүүлгнә нарт делкән цутхлнгд давв.
Журналистнрин төлә эн цутхлнгд сән таал бүрдәгдсн билә. Бүрдәһәчнр журналистриг халун хотар тоов. Хоорндан журналистнр англь, орс болн франц келәр күүндж чадв.
Эн өдр кесг журналистр эврәннь сурврмудан әрәсән президент өгч чадв. Эндр өдр кесг әмтиг үмүлжәх төрмүд бас эн оргн күүндврт хаһлж чадв.
Мана телерадикомпаня журналистнр вьетнамск, немшин, американск журналистнрлә күүндв. Күүндврин йовудт эднә келсәр өдгә цагт әрәсән президент орн нутгиннь төлә ик көдлмш күцәж йовна. Өггдсн сурврмуд күнд болв чигн әрәсән президент хәрүһинь тодрхаһар келж өгв.
Эн жилд болсн пресс конференц дөрвн час һучн тавн минутд болв. Эн конференцд журналистнр әрәсән улсиг үүмүлжәх төрмүдәр болн талдан орн нутгудын хурц төрмүдәр сурврмудар цәәлһвр авв. Америкин болн әрәсән хоорндк кесг төрмүд эн пресс-конференцд хаһлгдсн бәәнә. Дәкәд болхла кесг төрмүд коммунальн эдл ахун министертсвин, ветеранмудын, болн нуурад унжах хуучн гермүдин тускар сурврмуд өггдсн билә. Курильск арлд Владимир Путина нер өгх кергтә гиж нег журналист владимир путинд сурвр өгв.эн буру йовдл гиж Владимир Путин хәрүһинь келж өгв. Талдан нер эн арлд өгх кергтә гиж президент келж өгв.
“Парламентский вестник” нертә газетин журналист солнг макарова болн “Хальмг унн” нертә газетин ах редактор Шавалин Санл әрәсән президент Владимир Путинд эврә сурвран өгч чадв. Владимир Путин хальмг танһчин регионыг сәәнәр меднә. Энүнә ухан тоолврар мана регионд дөн күргх кергтә. Энүнә ашт мана танчжд улм делгрлх.
Хавтхна Элла, Хулхачин Николай
