Элстд сурһульчнрин секәтә олимпиад эклв
Элстд сурһульчнрин секәтә олимпиад эклв. Энүнд эврә дурар ах классмудын көвүд-күүкд орлцж чаджана. Энүнә бүрдәһәчнр эрдм-сурһулин көдләчнрин дамшлт өөдлүлһнә таңһчин институт. Олимпиад 10 һар предмедмүдәр давулгдхмн.
Эн өдрмүдт ах классин сурһульчнрин төлә бүрдәж давулглжах олипиад эн жилд тавдгч болжана. Эн олимпиадт ах классин сурһульчнр орлцжана. Йисдгч арвдгч болн арвн негдгч классмудт сурһуль сурч йовх көвүд күүкд тиим олимпиадт эврәннь медрлән үзүлж чаджана. Эн олимпиадт цуг танһчин школдмудас көвүд күүкд орлцжана. Лагань балһснас олимпиадт орлцхар арвн негдгч классин сурһульч Манжин Алена ирсн бәәнә. Урдк жилмүдт баһ наста күүкд кесг олимпиади орлцад призермудын тоод орв. Эн жилд танһчин эрдм сурһулин көдләчнрин мергжлт болн дамшлт өөдлһнә институт эн керг үүлдвриг бүрдәж давулжана.
Манжин Аленан келсәр иим олимпиадмудт көвүд күүкд авсн медрлән үзүлж чаджана. Школан төгсәснә хөөн алена хальмг ик сурһулин юридическ факультетд орхар саната. Эн олимпиадт орлцад обөествознание гидг предиметар медрлән үзүлжәнә.
Эн хорад цуглурин оютнрин ик зунь эсвин кичәләр шүүврән өгчәнә. Ут тоодан энүнд дөчн күн эсвин номар медрлән үзүлхәр шиидв.
Танһчин эрдм сурһулин көдләчнрин мергжлт болн дамшлт өөдлһнә институтын директор Лилия Мучкинован келсәр эн олимпиадт орлцсн йилюән сәәнәр эврәннь медрлән үзүлсн көвүд күүкд иргчдән танһчин олимпиадт орлцж чаджана.
Энүнд орлцсн цуг күүкд көвүд йир ухата болн билгтә.Эврәннь медрлән эдн дигтә тиим керг үүлдрмүдт сән кевәр үзүләд нүүрт һарна.Тиим керг үүлдрмүдт бүкл жилд кесг дәкж давулз кергтә гиж институтдын директор ухан тоолварн маднла хувалцв.
Имм керг үүлдврмүдт сурһульчнрла хамдан эднә багшнр бас эврәннь дамшлтан өөдлнә.
Танһчин эрдм сурһулин көдләчнрин мергжлт болн дамшлт өөдлһнә институтын эсвин номин багш Дорж-һәрән иннан келсәр эндр өдр багшр кергтә категорьта болх зөвтә. Эдн бас сурһульчнр кевтә нааран ирәд шүүвр өгнә.Эднә сурһульч бас кесг олимпиадт орлцх зөвтә.
Секәтә олимпиадт йилһән сәәнәр билг эрдмән болн медрлән үзүлсн көвүд күүкдин нерд бидн арх цагин бозлгт медхвидн. Диилвр бәрсн көвүд иргч жилд танһчин олимпиадт орлцх.
Чуучән Валентина, Колдан Церн
