Мана телерадиокомпань бүрдәж давулжах “Бийән тань” нерәдлһтә проект болж һарчана

Мана телерадиокомпань бүрдәж давулжах “Бийән тань” нерәдлһтә төсв мана телехәләһәчнрин хамгин дурта проект болж һарчана. Өдр болһн мана редакцур кесг әмтн жиннүлнә. Эврәннь бичгүдән чигн авч ирнә. Эндрк мана һарцин һол дүр Булктан Надежда кесг жил хооран улан туг нертә марһана орлцач.

Эн зургуд һучн жил хооран цокч авсн билә. “Зара” нерәдлһтә дуучнрин марһанд Булуктан Надежда “Элиста” нертә ду дуулла.

Энүнлә хамдан тер марһанд энүнә үр иньгүднь дөн нөкдән күргсн билә. Бийән булуктан надежда телевизорт үзсснә хөөн таньсн уга. Тер цагт эднә коллектив Ашхабад, Днепропетровск болн нань талдан балһсна тәәз деер билг эрдмән үзүллә.

Дигтә тер цагт булуктан надежда баһ наста күүкн билә. Үүрмудтәһән хамдан кесг азрмуд эргж чадв.

Келхд, минһн йисн зун найн зурһадгч жилд Надежда Джакмудовна эврәннь экчтәһән марһлдсн билә. Өдгә цагт энүнә Айса эгчнь америкт бәәршлнә. Тенд эврәннь билг эрдмән өөдлнә. Тер цагасн авн кесг жил давв. Өдгә цагт эгчән үзх арһ уга, дегд холл бәәнә. Эн архивн зургудын мини эгч бас хәләхәр бәәнә гиж надежда маднд келж өглә.

Мини эгч йир жөөлн зангта, өр овч зүрктә бичкн цагтан бидн ни негн биләвидн. Ода өсәд босад күн болад нег негнәсн холл бәәнәвидн.

Санһжи Горян Евдокия тер өдриг сәәнәр тодлна. Тер өдр өрүн цагасн авн мини күүкд белдврин көдлмшән күцәһәд концерт белдсн билә. Би тер марһанд күүкдән дөөнхәр бас орлцлав гиж эк маднд келж өглә.

Тер марһанд олн күүкд орлцла. Цуг күүкд көвүд йир билгтә. Эрвәннь дуулсн дууһарн эдн олн әмтнә чикнә хужр ханһав.

улуктан өрк бүлд дангин көгжм сонсгдна. Санһжи Гарян Евдокия “Бамб цецг” нертә хальмгин ду бииһин ансамбльд баһ цагтан орлцла.

Эн дууг ода бичкн тара нертә ач күүкнь дуулна. Бичкн күүкнә дуулснь дууг эк надежда болн ээжнь евдокия сонсх дурта. Бийән тань нерәдлһтә телетөсв шин жилин өмн өргнд эн өрк бүлд йоста байр үүдәв.

Энән Ольга, Котина Валерий