Мөнгнә ормд донормудт хот-хол өггдх

Донормуд цус өгсн төләд мөнг өгшго. Энүнә тускар Әрәсән закан үүлдврт орв. Шин закаһар цус өгснә данцалһна мөнгн өггдшго. Танһчин эрүл-менд харлһна болн социальн делгрлтин министерствин цәәлһсәр, урднь эн туст үүлджәсн заканас цус өглһнә федеральн шин закаһар цус өгсн әмтн мөнгнә ормд өнгәр хот-хоолар теткгдхмн. Тер саамд цус өгсн зәрм улст мөнгн өггдх. Тер тоод ховр цус өсгн улст данцалһна мөнг өггдхмн. Мөнгнә ормд хот-хоолар теткх мөнгиг бәәрн бюджет даах зөвтә. Эрүл-менд харлһна министерствин тоолврар, иим закаг ик кезәнә батлж авхмн билә. Ода мана танһчд эврә дурар цус өгдг улсин то жилдән арвн хойр-арвн дөрвн минһнд күрчәнә. Эмчнрин тоолврар, шин заканас иштә иим улсин то баһрх зөв уга.