Хальмг танһчин толһач Алексей Орлов Лаганск районд көдлмшин кергәр одв. Эн саамд районд одхларн танһчин ахлач олн-зүсн харһлтс кев, селәнә улсиг үүмүлжәх төрмүд хаһлв.

Танһчин толһачин даалһвр яһж күцәгджәхин тускар соньмсад, хальмгин правительствин ахлач Игорь Зотов Баһ Дөрвдә районд одв. Эн саамд районд одхларн Игорь Зотов социальн обьектмудт онц оньг тусхав.

“Этно-Эрато”. Иим нерәдлһтә ик модын евразийск түрүн марһан болв. Якутск балһснд келн-улсин хувц-хунрин янзар кегдсн зун хуранһу Грузин, Японя, Китдин, Казахстана болн талдан чигн һазрас авч иргдв.

Сүл арвн тавн жилд Әрәсәд инвалид улсин то зурһан сай улсас арвн негн дундур сай улст күрв. Жил болһн һурвн сай күн инвалид гиж тоолгдна.

Хуучн гермүдәс әмтн нүүлһнә программар Хальмг танһчд иим гермүдт бәәх улс иргч хойр жилин эргцд шин патьрмудт нүүж орх зөвтә. Ут-тоодан тәвн негн герәс әмтн шин гертмүдт нүүлһхмн.

Хальмг улсиг цаажла харһулсна далн жилин һашута өөнд нерәдгдсн керг-үүлдврмүд белдлһнә бүрдәмжин комитетин сүүр эндр болв. Энүг танһчин правительствин ахлач Игорь Зотов һардв. Сүүрт танһчин министерствс-ведомствсин элчнр болн номтнр орлцв.

Хальмг танһчин спортсмен Бакур Абушинов вовинам вьет во дао эв-арһар болсн һурвдгч нарта-делкән чемпионатын ашар күрл мөнгн медаль шүүж авв. Марһан Париж балһснд болв.

Хойр минһн арвн дөрвдгч — хойр минһн арвн тавдгч жидмүдт инвалид улсин төлә спортивн оборудовань хулдж авлһна төлә нег жува арслнг йилһж өггдх.

Алдр Торһн Зам нертә нарта-делкән ралли цаарандан болжана. Энүнә өмн өдр автоспортсменмүд хальмг танһчин толһач Алексйе Орловла харһлт кев.

Мана регионд өдгә цагин дөрлдәнә таалд селәнә эдл-ахун предприятьмудыг дөннхин төлә кластерн систем кергтә. Шишлнг бүрдәсн хүүвин түрүн сүүрин орлцачнр иим тоолврта бәәнә.

Чебоксар балһсна делегац Элст балһснд ирв. Гиичнр дунд артистнр, зурачнр болн бичәчнр ирв. Эдн Хальмг танчһла өөрхн таньлдхар ирв.

Элст балһснд Алдр Торһн Зам нертә нарта-делкән ралли-рейдын орлцачнр эндр ирх. Энүнд хөрн долан орн-нутгас нарта-делкән чемпионатмудын нертә спортсменмүд орлцжана.

Эн өдрмүдт Хальмг танһчд приемна комиссин көдлмш гүргүдән орчкв. Эн жил хойр дундур минһн көвүн-күүкн школан төгсәв. Тер мет эн жил танһчин деед сурһульд һазадын ордудын баһчуд сурх саната.

Элст балһснд эн жилин чилгч күртл шин хойр бичдкдүин сад эдлврт орулгдх. Энүнәс иштә дошкольн учрежденьст һурвн зун көвүн-күүкн орж чадх.

Догшн халунас көлтә Сарпинск райод бачм чинртә бәәдл зарлгдв. РМО-н администрацин агропромышленн комплексин делгрлтин әнгин то-дигәр, хаврин зунын кемд селәнә эдл-ахун тәрәнд тенгрин му бәәдл тогтв.