Эн жил Бадма Манджиевич Лиджи-Горяев дигтә зун нас зүүх бәәсмн. Эн күн танһчин заһсна промышленности ул тогтасн күн болжана. Хальмгин делгрлт ик тәвцән орулв.

“Россия 1” марһана хойрдгч девснг эклв. Хальмг танһчин цутхлнг хурл Бурхн Багшин Алтн сүм Өмн үзгин федеральн округд нүүрт һарад, полуфиналд дөрлдх зөв авв.

Июлин нег шинәс авн гертә мал һарһж болшго. Әәмшг уга хот-хоолын продукцин туск техническ шин кемжән үүлдврт орв. Шин закаһар мах хулдхин төлә гертә мал һарһж болшго.

Пятигорск балһснд Әрәсән Федерацин Хүүвин дав зуурин комиссин өргн сүүр болв. Селәнә эдл-ахун делгрлтин туск федеральн закан нарта-делкән хулд-гүүлгәнә организацин некврлә ирлцжәнә.

ГЛОНАСС систем орулһна төлә Хальмг танһчд хөрн сай арслнг мөнгн йилһж өггдв. Энүнә тускар танһчин тосхлтын, көлгн-күчнә болн хаалһин эдл-ахун министерств зәнглв.

“Россия 1” — марһана хойрдгч девснг эклв. Хальмг танһчин цутхлнг хурл Бурхн Багшин Алтн сүм Өмн үзгин федеральн округд нүүрт һарад, полуфиналд дөрлдх зөв авв.

Царцаха олар тархагджахас иштә танһчин һурвн районд бачм чинртә бәәдл тогтагдв. Ик-Буурла районд хортн арвн дөрвн минһн гектарт тархагдв.

Баснга Баатрин нертә келн-улсин Хальмгин театрин артистнр Театральное вече нертә тавдгч нарта-делкән фестивальд орлцад, хәрж ирв.

Хальмг танһчд эрүл-менд харлһан халх шинрүлһнә программ цаарандан күцәгджәнә. Энүнә төлә федеральн бюджетас нег сай долан зун минһн арслнг ирв, һурвн зун сай арслнг танһчин хазнас йилһж өггдв.

Әрәсән Президентин май сард батлж авсн зәрлгүдиг күцәлһнә төлә инвалид улсиг көдлмшәр тетклһнә туск керг-үүлдврмүд олз-тустаһар күцәлһнә төлә зура батлж авгдв. Ода Хальмг танһчд хөрн дөврн минһн инвалид күн бәәнә.

Танһчин селәдт бичкдүдин садмуд дутжах хурц төриг гермүд шинрүлж яслһна нилчәр хаһлжана. Үлгүрнь, Целинн района Овата селәнд бичкүдин садын герт ясврин көдмш кесн хөөн, немр орм секх.

Элст балһснд хөрн дөрвдгч нарта-делкән олимпийск нааднд, баһчудин сән өдрт болн наркоманля ноолда келһнә нарта-делкән өдрт нерәдгдсн Будь здоров нертә спортивн байр болв. Марһан хотл балһснд өрүн эртәс авн эклв.

ЗАГС-ин әнгд баһ наста өрк-бүлин школын дарани сүүр болв.

Һарцин эклцәр тенгрин бәәдлин тускар цөн үг. МЧС-ин региональн заллтин зәнглсәр, эндр болн манһдур танһчин деед-өмн, дорд-өмн үзгин зәрм райодт халунас көлтә түүмр шатх әәмшг бәәнә.

Халун һан болв чигн, танһчин селәнә эдл-ахус олна малд хот белдлһнә көдлмш күцәжәнә. Иргч үвлзлһнд мана танһчд ут-тоодан долан минһн шаху бод мал орхмн.