Арһлачнрин марһан цаарандан болжана

“Регионы — устойчивое развитие”. Иим нерәдлһтә инвестиционн төсв мана танһчд күцәгджәнә. Элст балһснд арһлачнрин зөвин элч Сергей Нестеров марһанд орлцачнрла харһлт кев. Келхд, марһан хойр минһн арвн негдгч жилин сентябрь сарас авн эклв.

Иим проект күцәх зөвшәл хамгин түрүнд авсн улс дунд Иван Михайлович Куськеев йовна. Волгоградск селәнә эдл-ахун институт төгсәсн номт-агроном иим прогармм ик кезәнәс авн экләд белдв. Энүнә һарджах предприятин үн хойр зун сай арслнг тогтажана.

Агрономин келсәр, томат, хаяр болн талдан чигн темс голландин сән эв-арһар урһаж авх саната. Энүг баһ болн дунду бизнес дөннлһнә программин нилчәр күцәж болв. Тепличн комплекст темс арһулһна халхар сурһуль дасв. Энүнә урһаж авсн темсн сәәнәр хулдгдх гиж арһлач тоолжана.

“Найн” предприятин ахлач Иван Куськеевин келсәр, өдгә цагин экномическ таал иим производств күцәх неквр тәвжәнә. Шин эв-арһар темснә сән урһц урһаж авч болна. Продуцк экологин халхар цевр болна. Ода Хальмг танһчд му чинртә темсн Трцас болн талдан һазрас авч иргднә. Ут-тоодан хйор тонн продукц хулдна. Нег үлү иим темсн үнтә болна. Эднә урһасн темсн болхал кимд болсн деерән, сән чинртә.

Танһчин арһлачнрин зөвин күцц зөвтә элч Сергей Нестеровин келсәр, эн жил марһанд орлцхин төлә һун эрлһн орж ирв. Ода долан арһлачнрас һурвнь мөнг күләжәнә. Тер тоод Яшкульск районд темс эд-бод кедг завод. Энүнә үн йирн нәәмн сай арлснг. талдан нег проектнь — тавн зун жирн тавн сайр арлснга мал бордлһна плошадк. Бооцана таалар түрүн тавн жилд арһлачнр кредит данцахш, процент чигн өгшго. Танһчин арһлачнрин зөвин элч Сергей Нестеровин келсәр, эндр өдрт һучн компань марһанд орлцв. Эннь сән зәнг. Өдгә цагт федеральн цутхлнг дөн күргж чаджана. Әмтн көдлх саната, көдлмшч орм бүрдәжәнә.

Иим олз-туста проект арһлачнрт эврәннь зураһан күцәхд дөн болсн деерән, мана регионд көдлмш уга улсин то баһрулжана. Келхд, теплиц экләд көдлхлә, жирн күн энд көдлж чадх. Шин предприять эн жилин намрар экләд көдлх.

Батан Санжирма, Ирчин Алексей