Элстд Чебоксары балсһна туристнр ирв

Чебоксар балһсна делегац Элст балһснд ирв. Гиичнр дунд артистнр, зурачнр болн бичәчнр ирв. Эдн Хальмг танчһла өөрхн таньлдхар ирв. Тер мет холл һазрас ирсн делегац чуваш улсин туужин ормд одх саната.

Сувары, булгары гисн кемб? Чуваш келн-улс эднлә ямаран төрл садн болжана, альдас болн кезә эн келн-улсин нерн өггдсмн? Ямаран чинр иим нерд зүүжәнә? Цуг эн сурврмудт Чувашин республикин туристнр хәрү өгхәр нааран ирв. Энүнә төлә эдн өвкнриннь бәәсн һазрар йовхар шиидв. Эднә хаалһ Хальмг танюһчин өргн теегәр давж һарв. Хол һазрас ирсн гиичнр Хальмгин цутхлнг хурл һәәхв, талдан чигн туужлгч ормд одв.

Журналист Евгений Турхан келсәр, эднә өвкнрин бәәсн һазр хәжәнә. Эннь мана хөрн дөрвдгч йовлһн болжана. Бидн бийән эврәннь келн-улсин туужар соньмсжах чундаши гиж нерәднәвидн.

Ут-тоодан зуульчһнд жирн йисн күн орлцжана. Тер тоод чувашин бичәч, шүлгч, актрис, журналист, Калинка болн Пилеш нертә үүдәгч коллективмуд, сурһульчнр болн оютнр орв. Эдн Чувашск республикин болн эднлә хам-хоша бәәх регионмудын элчнр болжана. Чебоксары балһснас һарад, эдн Саратов, Волгоград, Элст балһснд темцв. Зуульчлһан гиичнр Махачкала балһснд төгсәх зурата. Дагестанд чувашин элчнр эн һазрт бәәсн эврәннь өвкнриннь санлд нерәдж буиб тәвх зурата.

Сувар нертә чувашин баһчудн ниицәнә ахлач Олег Цыпленковин келсәр, иим йовлһна һол күцлнь — келн-улсин туужла, унг-тохмла өөрхн таньлдлһн. Эврәннь унг-тохман эс медс уул авьясан эс күндлсн әмтн иргч уга болжана. Тегәд бидн мана өвкнрин бәәсн кезәнк һазрт одх санатавидн. Ода тенд Дагестана келн-улс бәәршлжәнә. Зааж өгсн һазрт бумб тәвх зура бәәнә. Энд кезәнк цагт суварыода цагт чуваш улс бәәсн иим бумб тускар герчлх.

Чувашин бичәчнрин ниицәнә гешүн Юрий Дадюковин темдглсәр, иим зуульчлһн эврәннь тууж болн сойл медхд, оюни халхар байжхд, талдан келн-улсин авьяс-зангшалла өөрхн таньлдх арһ учрв. Хальмгин һазрт эдниг йир бүләнәр тосж авв гиж Дадюков темдглв.

Чувашин бичәчнрин ниицәнә гешүн Юрий Дадюковин келсәр, хойр ах-дү болгч келн-улс хоорндан ни-негн бәәж, нег-негндән дөн күргх зөвтәвидн. Иим кевәр цуг келн-улс бәәх зөвтә.

Эврәннь келн-улсин тууж медсн күн гражданск чинртә сурһмж авна, эврәннь келн-улсин уул авьяс болн гүн ухата дамшлт хоршахд сән нилчән күргнә. Тегәд мана танһчин гиичнр эврәннь келн-улсин унг-тохм олж авхин төлә иим ут болн соньн хаалһд һарч йовв.

Елена Алексенко, Котина Валерий