Әәдрхн балһснд Город мастеров нертә урн һарин эрдмин медрегиональн фестиваль болв. Энүг “Дельта Волги без границ” нертә нарта-делкән этносоциальн программар бүрдәж давулв.
Хальмг танһчин усна обьектмуд хог-богас цеврлж шинрүлгдх. Ода Ик-Буурла района аһуд Хар Һазра магистральн цувг яслһна көдлмш кегджәнә. Далн дууна участк цеврлһнә көдлмш эн жилин чилгч күртл төгсх.
Билгтә спортсменмүдиг белдхин туст “Харада” нертә спортивн баһчудын клуб бат орман эзлжәнә. Тер мет клубын гешүд шатр наадг дасжана, спортивн би биилдг эрдмтә болх.
Танһчин болн муниципальн керг-үүлдврмүдт шунмһа кевәр орлцжах көвүд-күүкд Цаһан Амн селәнд болсн баһчудын фестивальд орлцв. Һурвн өдрин эргцд көвүд-күүкд эдниг үүмлжәх төрмүдәр күүндвр кев, олн-зүсн спортивн марһаст чидлән сөрв.
Танһчин йиртмж көрнгин болн эргндк аһу харслһна министерствин көдләчнр хог-бог зака эвдж хайсн һазрар рейд кев. Энүнә йовудт Приютненск района кесг селәдт бүртклһн кегдв.
Эн өдрмүдт хальмгин государственн университетд Әрәсән талдан деед сурһулин заведеньсла әдл абитуриентнрас документ орулж авлһна кем төгсв. Ода эдниг оютнрин тоод орулж авчана. Энүнә ашнь августын тавнд медгдх.
Элст балһсна школмудт болн бичкдүдин садмудт ясврин көдлмш гүргүдән. Энд бичкн ясвр кесн деерән, гермүдин ора сольгдх.
Хальмг танһчд урһа модна дәкәд нег питомник тосхгдв. Эннь тавдгч питомник болжана. Энүг тосхсн учрнь иим. Ода мана танчһд тәрмр урһмлын материал күртжәхш.
Эндр Хальмгин правительствин барин церглтин зәнглсәр, намрин-үвлин кемд Әрәсән субьектмудт ЖКХ-н предприятьмуд белдлһнә шинжлтын ашар Хальмг танһчд хамгин сән регионмудын тоод орв. Шинжлт кесг үзмжәр кегдв.
Жолачнрин төлә нуль промиле туск кемжә уга келһнә тускар Әрәсән президент Владимир Путин зака батлж авв.
Элст балһсна улс зунын халун өдрмүдт икәр зовсмн. Тер мет дәкәд нег зовлнг эдниг үүмүлжәнә.
Июль сард олн улс амрлһнд һарад, зуульчлһ кенә. Хальмг танһчин әмтн жил болһн Әрәсән курортмудт болн санаторьт одна. Ода танһчин улс кергтә һазртан ахр болзгт аһарин таксиһар күрч чадх.
Июлин нег шинәс авн Элст балһсна эдл-аху хотл балһсна хаалһс шинрүлж ясжана. Эндр өдрт Сухэ-Баатрин болн Кировин нертә уульнцин хаалһс күцц ясгдв.
Хальмг танһчин толһач Алексей Орлов Приютненск районд көдлмшин кергәр одв. Эн саамд селәнә сойлын гермүдт одв, бичкдүдин садмудын көдлмшлә таньлдв, больницд эмчнрлә харһлт кев.
Хаврин болн зунын кемд догшн һан-халун болад, буудян урһцд му нилчән күргжәнә. Эн өдрмүдт танһчин эдл-ахус буудян урһц хураж авлһна көдлмш күцәжәнә.