Әрәсәд олн үртә өрк-бүлмүдт һазрин участк өгчәх регионмудын тоод Хальмг танһчд орв. Һурвн жилин эргцд Элст балһсна долан зун өрк-бүл гер бәрх һазр авв.

Синоптикүдин кесн тааврар дулан өдрмүд иржәхш. Ода аһарин кемжән дундлад тавн-зурһан градус дуланд күрчәнә. Танһчин зәрм ормар хур орх. Гисметеон сайтын зәнглсәр, манһдур түрүн цасн орх.

Москва балһснд “Единая Россия” партин дарани арвн дөрвдгч сьезд болжана. Энүнд делегатнр сентябрин нәәмнд болсн сунһврин аш диглгдв. Сунһвр Әрәсән цуг регионмудт болв. Эн саамд сунһвр амр биш болв.

Төрскән харсгч дәәнә цага олж авсн зер-зев ФСБ-н болн МЧС-ин көдләчнрт өггдв. Иим кесг минһн зер-зев Астраханск хәәврин отряд олж авв. "Лотос" нертә хамцу отряд хөрн жилдән көдлжәнә.

Хальмг танһчин хойр школ Әрәсән тавн зун хамгин сән школмудын тоод орв.

Эндр багшин сән өдрин өмн өргнд Баснга Баатрин нертә келн-улсин театрт байрин хург болв. Багшнриг сән өдрләнь йөрәхәр олна организацсин, министерствсин, ведомствсин элчнр болн танһчин толһач Алексей Орлов ирв.

Хальмгин боксермуд дәкнәс сән үзмж бәрв. Ростов на Дону балһснд Өмн үзгин федеральн округин чемпионат төгсв. Хальмгин уйн наста боксермуд нег алтн медаль болн һурвн күрл мөнгн медаль шүүж авв.

Эндр Элст балһснд правительствин сүүрин залд монһл келн-улсин нарта-делкән конгресс көдлмшән эклв. Эн саам ик хург монһл келн-улсин амн үгин зөөрин төрәр болжана.

Хальмгин государственн университет номин көдләчнриг белдлһнә цутхлнг болв. Диссертационн хүүв кесг аспирантнрт номин цол зүүлһв. Деед аттестационн комиссь эднә орулж өгсн нег чигн көдлмш хәр илгәсн уга.

Полицин көдләч соктуһар маши залж. ГИББД-н ДПС-ин инспектор дотр-дундын органмудын көдләч залж йовсн гиигн маши зогсаж. Жолач тер даурнь харлгдв. Полцин көдләч сокту бәәснь хөннь медгдв.

Гермүд бәрхин төлә һазрин участк олн үртә өрк-бүлмүдт өнгәр йилһж өгдг цөн регионмудын тоод Хальмг танһчд орв. Һурвн жилин эргцд зурһан сотк һазр долан зун өрк-бүлд йилһж өггдв.

Эндр медәтнрин нарта-делкән өдр. Эн байрт нерәдгдсн керг-үүлдврмүд цуг танһчин райодт болжана. Байриг хөрдгч зун жилд экләд темдглдг болв.

Элстин спортын бәәшнгд синкиокусинкай эв-арһар бөк бәрлдлһнә марһан дәәчин эрдмин йоста байрт хүврв. Энүнд Элст балһсна, Лаганск болн Хар Һазра райодын спортменмүд ирж дөрлдв.

Әәмшгтә бәәдлиг уга кев. МЧС-т хамгин сән газас болн утанас харсачин болн иим аюлас гетлж авлһан хамгин сән звенон марһана танһчин девснг болв.

Хальмг танһчин правительствин дарани сүүр болв. Энүнд Хальмг танһчин толһач Алексей Орлов орлцв. Сүүрт тавн төр хәләгдв.