Олн үртә өрк-бүлмүдт һазрин участк өгчәнә
Гермүд бәрхин төлә һазрин участк олн үртә өрк-бүлмүдт өнгәр йилһж өгдг цөн регионмудын тоод Хальмг танһчд орв. Һурвн жилин эргцд зурһан сотк һазр долан зун өрк-бүлд йилһж өггдв. Эднәс зәрмнь бәәдг гер бәрж авад, шин бүүрт нүүж орв. Талдан өрк-бүлмүд герән тосхжана. Ода иим тосхлт Элст балһсна Өмн болн деед-ар үзгин райодт кегджәнә. Энд ода деерән хату девскртә хаалһ уга, электрокүчн, газ орулгдад уга. Бәәрн улс эн туст көдлмш эклхин күләжәнә. Эднә тоолврар, хамгин һол кернь — эдн эврә гертә болв. Эднә ик зунь ода күртл элгн-саднлаһан бәәнә эс гиж гер нәәмәдлж авчана. Тер мет һазрин участк инвалид-бичкдүдтә өрк-бүлмүдт бас өггджәнә. Тер саамд һазрин участк хамгин түрүнд авх инвалид улс ода күнд бәәдлд тусв. Юнгад гихлә, бәәдг гер бәрхин төлә эдн эврән һазрин участк хәәж авх зөвтә.
