Эндр мусульман улсин хамгин икәр күндлж темдглдг Курюан-Байрам байр цуг нарта-делкәд темдглгджәнә. Эндр өдр хадж төгсснә кем болжана. Бурхнд ханлтан өргж энүнә өвәлд күрхин төлә мал һарһдг авьяс күцәгднә.

“Булг хагсхла, жирһл уга. Эврәннь өвкнрән мартснд иргч уга”. Эн цецн үгмүд Бурятин режиссер Собон Лыгденовин фильмас авгдв. Элст балһснд энүнә түрүн көдлмш үзүлгдв.

Машидын болн докья өгдг эв-арһсин ә сонсгдв. Эндр өрүн Элст балһснд пассажирск автобус орлцата зеткртә йовдлас әмтн харсж авлһна сурһуль болв.

Приютненск районд олна малд үвлин хот белдлһнә көдлмш цаарандан кегджәнә. Энүг цаглань төгсәхд сентябрь сард орсн хур боомтг болв.

Элст балһснд дәкнәс худл мөнгн илткгдв. Эннь сүл арвн өдрт һурвдгч йовдл болж һарчана. Эн саамд хотл балһсна дотр-дундын кергүдин әнгин дежурн әнгд банкин көдләчәс зәнг ирв.

Эндр өдрәс авн Әрәсәд автомобильмуд темдглж бичлһнә шин зокал орулгджана. Ода машиг мана орн-нутгин ямаран чигн әнгд машина эзн альд темдглж бичгдсн бийнь тоод орулж болх.

Элст балһснд дәкәд нег парк секгдх. Хотл балһсна дорд-өмн үзгин районд "Исход и возврашение" мемориальн комплексин аһуд шин парк суулһгдх. Хальмгин күндтә донормудын седәвриг Элст балһсна кесг әмтн дөннв.

Әрәсән кинотеатрмудт Сталинград нертә кинофильм үзүлгджәнә. Энүг цокж авлһн ВГТРК орлцв. Режиссер Федор Бондарчукин көдлмш “Аймакс 3Д” янзар үзүлгдх Әрәсән түрүн фильм болж һарчана.

Хальмгин государственн университетд түүмр шатсн кемд әмт харсж авлһна сурһуль болв. Энүнә һол күцлнь — МЧС-ин, көдләчнрин бюолн оютнрин бачм чинртә йовдлд чидлин болн эв-арһин белдвр бүрткж хәләлһн болжана.

Эрдмин түрүн ишкдл. Иим нерәдлһтә марһан Хальмгин университетин оютнр дунд болв. Иргч жилдән школд көдлх баһчуд дөрлдәнд чидлән сөрхәр шиидв.Багшнрин коллективд нурһлж күүкд улс көдлжәнә.

Элст балһсна хөрн дөрвдгч тойгта эклц школ өөнән темдглв. Хотл балһсна өөр Элеватор поселкд хөрн жил хооран школ секгдв.

Әрәсән Федерацин Хүүвд сойлын жил бүрдәж давулһна бүрдәмжин комитетин түрүн сүүр болв. Иргч хойр минһн арвн дөрвдгч жил сойлын жил гиж Әрәсәд зарлгдв.

Дошкольн учрежденьд оржах бичкдүдин эк-эцкнр “Вести-Калмыкия программин” редакцд жиннүлжәнә. Эн өдрмдүт эдн көдлмшән хаяд, бичкдүдтәһән гертән суух кергтә болжана гиж зәнглжәнә.

Хальмг танһчин толһач Алексей Орлов танһчин социальн-экономическ делгрлтин, федеральн программ күцәлһнә болн мана региона экономическ делгрлтин зуран тускар Әрәсән правительствин ахлач Дмитрий Медведевд зәнглв.

Энүнә тускар Әрәсән правительствин сүүрт бас тодрхаһар келгдв. Танһчин толһач Алексей Орлов мана орн-нутгин селәнә эдл-ахун чинртә һазрин мелиорацин делгрлтин федеральн шишлнг программин төсвәр ухан-тоолврарн хувалцв.