Яшалтинск района Эсто-Алтайск школын гер шинрүлһж яслһна көдлмш төгсхдән өөрдж йовна. Селәнә школ хуучн школмуд шинрүлһнә федеарльн программд орв. Тегәд чигн энд капитальн ясвр кегдв.

Эндр Хальмг танһчин олн-әмтнә хуралын тавдгч дуудврин сессин түрүн сүүр болв. Энүнд олн-әмтнә хуралын парламентин ахлач сунһж авгдв. Эн цолд Анатолий Козачко шиидгдв. Сессин түрүн сүүрт нурһлж бүрдәмжин төрмүд хаһлгдв.

Әрәсән хамгин сән гисн школмудын тоод Хальмг танһчин эрдм-сурһулин хойр учреждень орв. Эннь Элстин лицей болн Цаһан Амн селәнә гимназь.

“День донорского совершеннолетия”. Иим нерәдлһтә керг-үүлдвр эн өдрмүдт цуг Әрәсәд күцәгджәнә. Эндр хальмгин университетин герин өөр өрүн нәәмн часас авн цус авдг мобиль цутхлнг көдлв.

Хальмг танһчин малчнр үвлзлһнд белдвр кежәнә. Танһчин селәнә эдл-ахун министерствин зәнглсәр, үвлд кергтә малын хотын кемжәнәс далн тавн процентнь белдж авгдв.

Сарпинск районд һучн тавдгч сурһульчнрин туристическ слет болв. Танһчин толһач зарлсн әәмшг уга бәәлһнә жилин программар Сарпинск района бичкдүдин Салют лагерьт танһчин район болһнас көвүд-күүкд слетд ирж орлцв.

Жил ирвәс Хальмгин университетд сурх оютнрин то өсәд йовна. Эдн олн-зүсн орн-нутгудас ирж сурчана. Эн жил довузовск белдврин факультетин зун сурһульч орс кел дасжана.

Ик Царнг селәнд цутхлнг хаалһс шинрүлж ясгдх. Октябрьск района цутхлнг селәнд зуг цутхлнг хаалһст асфальт бәәнә. Эдн ода хуучрад эвдрв. Энүнә ормд шин хаалһ делгх төр ик кезәнәс авн босхгджана.

Көтчнрә районд олн халхта цутхлнг байрин бәәдлд секгдв. Иим әнг административн боомтг баһрулһна, государственн болн муниципальн туслмж күрглһнә чинр өөдлүлһнә танһчин шишлнг программар секгдсмн.

Удл уга Элст балһсна байр болх. Иргч бембә өдр танһчин хотл балһсн зун дөчн нәәмдгч жилин өөнән темдглх. Элстин мэрийн һардачнрин келсәр, байрин керг-үүлдврмүд ке-сәәхн болх. Ода карнавалд белдвр кегджәнә.

Октябрьск района цутхлнг Ик Царнг селәнд зунын шин плошадк тосхгдв. Энүг селәнә тал дунд бәрв.

Эндр өдрәс авн Хальмгин государственн университетин оютнр физическ культурар болн спортар өдр болһн көдлж чаджана. Эдн обшежитяс һарлго спортар көдлж чадх.

Хальмг танһчд грипп гемәс гетлүлһнә төлә әмтнд кех тәрлһнә эм ирв. Специалистнрин келсәр, ода деерән олн улс царцад гемтжәнә. Тер саамд хотл балһсна поликлиникд тәрлһнә кем эклчкв.Намр ирчкв.

Эндр Элст балһснд танһчин правительствин президиумин дарани сүүр болв. Энүнд долан төр хәләгдв. Тер тоод хойр минһн арвн һурвдгч жилд танһчин инвестиционн ангин үүлдврин туск төрәр күүндвр болв.

Элст балһснд болн Целинн районд Экологчиеск субботник нертә цугәрәсән керг-үүлдвр эклв. Энүнд муниципальн церглтсин болн ведомствсин көдләчнр орлцв. Троицкое селәнд эн керг-үүлдвр района далн тавн жилин өөнлә ирлцүлж кегдв.