Коррупцла ноолда келһнә төрәр сүүр болв
Эндр болсн төгрг ширән сүүрт коррупцла ноолда келһнә, энүг зөв-йосна халһар тетклһнә болн антикоррупционн кемжәнә тускар тодрха күүндв кегдв. Иим селвлцә бүрдәж давулх седвәр юстицин министерств орулж өгв. Энүг бүрдәһэчнр декабрин йиснд темдглх коррупцла ноолда келһнә нарта-делкән өдрлә ирлцүлж давулсмн. Төгрг ширән сүүрт мөшклһнә, бүртклһнә, зөв йос харлһна органмудын, прокуратурин болн правительствин элчнр орцлв. Эднә зәнлсәр, эн жилин арвн сарин эргцд коррупцин чинр илткж авхин төлә хойр зун жирн негн акт бүрткж хәләгдв. Энүнәс арвн долань коррупцин чинртә болж һарв. Сүүрт өнчн бичкдүдиг бәәдг гермүдәр тетклһнә төрт ик оньг тусхагдв. Эндр өдр хальмг танһчд арвн нәәмн көвүн-күүкн иим гер авх зөвтә. Эднә зөв күцәхин төлә зарһин хойр шиидвр батлж авгдв. Хамр төрхд, энүнәс зун арвн һурвн процентнь күцәгднә. Танһчин бюджетд энүнә төлә зуг сүл һурвн жилд мөнгн йилһж өггддг болв. Энүнә төлә нег жилд зуг һучн негн сай арслнг һарһж өггджәнә.
Элст балһснд полицин көдләчнр дәкәд нег наркопритон илткв. МВД-н барин церглтин зәнглсәр, энүнә герин эзн дөчн негн наста залу күн көдлмш уга сууна. Урднь кесг зарһин засгла харһулгдсн бәәж. Энүнә герт негжснә хөөн наркопритон бүрдәсн ил герчлһн илткж авгдв. Тер тоод наркотикүд белддг сав-сарһ, тәрлһ кедг зүн, наркотикуд кедг препаратмуд энд бәәж. Наркопритон бүрдәсн төләд эн залу күүнә тускар уголовн керг күцәгджәнә.
