Хальмгин билгтнр Сочи балһснд болсн 11 нарта-делкән фестивальд орлцв
Хальмгин билгтнр Краснодарск крайин Сочи балһснд болсн арвн негдгч нарта-делкән фестиваль-марһанд орлцв. Эн керг-үүлдвриг «Мана иргч» нерәдлһтәбуйнч седклин са3г бүрдәж давулв. Мана танһчин көвүд-күүкд энүнд сән күцәмж бәрв.
«Хавр аашна», «Мини төрскн» дууг Наталья Конокова «Көгжмин солнг» нертәарвн негдгч нарта-делкән фестивальд дуулв. «Вокал, сольное исполнение» номинацд мана уйн наста дууч негдгч девснгин лауреатын нер зүүв. Урднь чигн Наталья балһсна болн танһчин марһаст диилвр бәрсн билә. Түрүн болж “Ицл бәәнә” нертә балһсна марһанд негдгч орм эзлв. Наталья Конокован келсәр, иим нарта-делкән марһанд түрүн болж орлцв. Тенд олн соньн улсла таньлдв.
Дөрвн настадан экләд көгжмәр соньмсад, өргн хуурар нааддг эрдм дасв. Билгтәкүүкиг багшнр таасв. Искусствин бичкдүдин школын әнгин багш Инесса Месхишвили келсәр, Наталья көгжмд йир дурта. Тегәд чидлән нөөлго көдләд, өмнән ик күцл тәвәд, иим күцәмж бәрв. Школын багш Инесса Месхишвили келсәр, эн күүкн йир билгтә. Наташа иргчдән сән дууч болн көгжмч болх зөвтә. Музыкальная волна нертәһурвдгч нарта-делкән фестивальд орлцх үрвр ирхлә, алнг болвидн. Эн марһан Аһш балһснд болх. Ода энүнд тохнята белдвр кежәнәвидн.
Хальмг танһчин дәкәд нег бичкн одн — НүүдләАкугинова. Эн күүкн цуг номинацд түрүн орм эзләд, арвн негдгч региональн марһана һурвдгч девснгин дипломар ачлгдв. Эн марһанд Әрәсән Өмн үзгин хамгин билгтә көвүд-күүкд орлцв. НүүдләАкугинован зурсн Дары леса, Спяшая красавица, Калмыкия болн талдан чигн зургуд жюрин гешүдт таасгдв. Эднә тоолврар, бичкн зурачнрин көдлмш йир өвәрц. Энүг Нүүдлә аквареляр, гуашар болн гелин ручкар зурж. Иргчдән Нүүдлә Акугинова Францин келн-улсин художественн академьд сурх саната. Тегәд ода францин кел дасжана. Иим марһан ик дамшлт болн медрл өгв гиж Нүүдлә келнә. Нүүдлә Акугинован келсәр, һаза цевр аһарт зургудан зурхдан дурта. һаза бийән сул тәвәд, цевр аһар кииләд көдлхләсән болна.
Художественн әнгин багш Делгр Кукудаеван келсәр, иим марһас бичкдүдт ийр олз-туста болна. Эднд сән урмд өгнә. Багш Делгр Кукудаеван келсәр, мана танһчин бичкдүд йир билгтә болн өвәрц. Эдн тас талданар ухалж зургудан зурна. Тегәд талдан һазрт одхла, эднд соньн болна.
Марһана йовудт күүкд байн дамшлтта багшнрла, нертә зурачнрла харһад күүндв. Эннь бичкн билгтнрт удандан зүркнднь төөнрж үлдхнь лавта.
Ээнән Делгр, Ирчин Алексей
