Яшкулин района Улан-Эрг нертә селәнд уудг усна төр хамгин хурц төр болжана. Бәәрн әмтн селәнәс хол биш бәәх каналас ус ууна. Энүнәс мал-аһрусн бас ус уудг бодж һарв.

Күч үзүллһн, танһчин засгла харһулгдсн учрежденя администрацин көдләчнрин халхас зөв йос эвдсн бәәдл һарһлһна тускар эс зөвшәржәх цаас түүрмд суух улс орулж өгв.

Мана телеүзлврт “Алтн булг” нерәдллһтә шин проект көдлмшән эклжәнә. Эн марһан эрдм-сурһулин, сойлын болн номин министерствин болн мана телеүзлврин дөнгәр бүрдәгджәнә. Түрүн девснг танһчин райодар давулгджана.

Москва балһснд болсн «Звездный час» нертә марһанд хальмг танһчин этношколын сурһульчнр «Келн-улсин би» номинацд диилвр бәрв. Келхд, энүнд Курск, Пенза, Брянск балһсмудын, Киргизин, Арменин болн Украинан орн-нутгудын көвүд-күүкд орлцв.

Оютнрин ниицәнә керг-үүлдвр делгрүлһнә программла ирлцәтә Хальмгин государственн университет дииләчнрин тоод орв. Ут тоодан марһанд мана орн-нутгин З46 ик сурһулин заведень орлцв.

8 марта нертә уульнцин 59-гч тойгта герин бәәрн әмтн заллтин компаня туслмжд керглгджәхш. Боомтг учражах «Жанһр» администрацд иим шиидвр авсна тускар эдн күргж медүлв.

«Наследие наших предков сохраним и приумножим» нертә жил болһн давулдг танһчин һәәхүл давв. Энүнд эрдм-сурһулин заведеньсин, школ-интернатмудын, бичкдүдин герин көвүд-күүкдин кесг соньн ке-сәәхн кегдлмүд күн болһнд үзж арһ билә.

«Голос нации» нертә марһан көдлмшән цааранднь давулжана. Шидр Элст балһснд арвн һурвн орлцач түрүн девснгин концертд орлцв. Энүнд баһчуд Манжин Аркадийин дуд дуулж өгв.«Голос нации» марһана орлцачнр үүмәтә бәәнә.

Элст балһсна 12-гч тойгта школын сурһульчнр танһчин баскетбольн турнирт диилвр бәрв. Дөрлдәнд ах классмудын сурһульчнр орлцв. “Локобаскет” нертә марһаг Әрәсән Өмн үзгт бәәх регионмуд РЖД бүрдәв.

Апрелин сарас авн мана орн-нутгт күч-көлснә пенсь һурвн дундур процентд, социальн болхла 14 процентд икдхмн. Льготн категорин улс сар болһн авдг мөнгнә кемжән 6 процентд өсхмн.

Санкт — Петербург балһснд болсн әрәсән чемпионатд хальмгин спортменмүд диилвр бәрв. «Мутокукай Калмыкия» клубин элчнр һурвн алтн, нег цаһан болн хойр күрл мөнгн медальмудар ачлгдв.

Карла Гольдони тәвсн «Трактиршица» нертә наадна түрүн үзүлвр эндр болн манһдур келн-улсин театрт болхмн. Театрт дурта улс эн шогта спектаклиг таасж хәләнә. Хальмгин хәләһәчнр болхла, түрүн болж үзхмн.

МЧСин заллтин болн прокуратурин элчнрлә хамдан болсн сүл бүрткллһнә сүл көдлмшин ашт цутхлгин хазгин базрт кесг дуту-дундс илткгдв. Үлгүрлхд, хулд гүүлгәнә стелажмудар эвакуационн һарлһн хаагдв.

Мана танһчд шишлн программ бәәдл-жирһлд яһж тохрагджахнь болн мөч тату бичкдүд эрдм-сурһулин зөвин туск төрмүд правительствин сүүр деер хәләгдв.

Самарск областьд ветеранмуд дунд болсн чемпионатд, мана танһчин спортмен Александр Дамбинов диилвр бәрәд, Архангельск балһснд болх Европин чемпионатд орлцх зөв авв. Ода эн медәт 75 наста.