29 марта 2012, 18:40
Элстд антинаркотическ комиссин сүүр болв
Мана танһчд наркотикд авгдсн улсин то эндр болсн болсн антинаркотическ комиссин сүүрин йовудт заагдв. Эднә то күсдундур минһнд күрв. Эннь цугәрәсән үзмжәс хойр холванд ик болжана. Танһчин тавн зун гектар һазрин аһуд урһжах конопляг наркоманмуд амрар цуглулж авна. Тер мет аптекмудт кодеин бәәх эмин препаратмуд сул хулдгдна. Эрүл-менд харлһна министерств ода энүг чанһар бүрткжәнә. Наркотик бүрткж хәләдг федеральн церглтин региональн заллтин кесн то-дигәр нидн жил зака эвдәд наркотик олзлсн дөрвн зун далн һурвн күн засгла харһулгдв. Эднәс хөрн долан күн болхла түүрмд суух. Тегәд баһчуд дунд профилактическ көдлмш келһнд онц оньг тусхагджана.
