Элстд hәрән Лижин түрүн концерт болх

Март сарин 17-д Государсвенн концерт заалын ул деер баһ наста дууч hәрән Лижин түрүн концерт болх. Дигтә эн өдр баһ наста билгт эврәннь 25 жилин өөнән темдглх. Концертд ирсн улстан? өөрхн элгн садндндан байр үүдәһәд олн зүсн ду дуулхар бәәнә. Эн өдр энүг үр иньгүднь дөннәд эврәннь билг эрдмән бас үзүлх. Концертин өмн өргнд мана зәнгч баһ наста дүүчла күүндв.

Танһчд болн талдан балһсд болсн марһаст баһ наста дууч? hәрән Лиж кесг дәкч һарад эврәннь билг эрдмәрн олн байрулв. Болв эн амрллһна өдрмүдт болх концерт энүнә түрүн бенефис болжана.

Түрүн концерт энүнә һарсн өдрлә ирлцв. Энүг йөрәхәр эн өдр өөрхн элгн саднь, үр иньгүднь, таньл үзл ирх. Эн концертд баһ наста дууч эврәннь хамгин дурта дууһан дуулхар седжәнә. Концертин өмн өргнд баһ наста дууч олн жилдән искусствин училишд көгжм дасхж йовсн багшнрла харһж репетицан давулна. Эн түрүн концерт гиич болж училишн багшнр бас орлцх.

2007 жилд hәрән Лиж искусствин училиөд сурһуль сурһуар ирв. Давсн жилд сурһуляән йилһән сән темдгәр төгсәв. Көгжмин багш Наталья Тапкинова эн билгтә көвүнә тускар кесг бүлән үгмүд келж өгв. Сурһуль сурч йовсн цагт Лиж сурһулән сәәнәр дасдг билә, эн көвүнд сән чеежин тодлвр билә — талдан оютнрас йилһрәд, шогч күн билә. Цааранднь чигн олн әмтиг эврәннь билг эрдмәрн байрулж йовтха, цаһан хаалһ дурджанав гиж багш бүлән үгәрн маднла хувалцв.

hәрән Лиж бичкн цагасн авн ду дуулһдан дурта билә. Дөрвн насндан Юрий Шатунова бичскн “Белые розы” нерәдллһтә дууг турун болж эк эцкнртән дуулв. Өрк бүләрн цуглурхларн эдн хамдан "Эхо" дууг дангин дуулна.

Эндр өдр баһ наста дууч ик сурһулин хальмгин филологин болн дорд үзгин факультетин һурвдгч курсин өютн болжана. Иргч зурадан эврәннь дууна шин диск һарх саната. Шин дискд орх дуд күн болһн март сарин 17 болх концертд сонсч чаджана.