Танһчин райодар хөөдәс төл авлһна көдлмш гүргүдән орсн бәәнә. Эннь хөөчнрин хамгин дааврта кем мөн. Мана үүдәгч баг Хар-, азра районд күрч эн дааврта көдлмш тенд яһж давжахарнь соньмсв.

Кезәнәс авн олн хәләһәчнрин күләжәсн «Шпион» нертә кино Элст балһсна кинотеатрмүдт үзүлгджәнә. Эн кино бичәч Борис Акунина бичсн «Шпионский роман» гидг үүдәврәр тәвгдсн болдг.

Эрмдг гемтә бичкдүдин дунд давдг танһчин шатрин марһан Элст балһснд эндр эклв.

Эндр Казанск кафедральн чонжд мөргүл болхмн. Пасха нертә байрин өмн өргнд давулгддг эн мөргүлд православн шажнд шүтдг олн-улс орлцхмн. Элстин бәәрн әмнд пасхин ик байрт белджәнә.

Хальмг танһчд заһс бәрлһнә көдлмш эклв. Эн кем март сард эклх зөвтә бәәсмн. Зөвәр киитн өдрмүдәс иштә эн керг хооран саагдв. Цөн өдр хооран Көк тенгст зөвәр ик салькн көдлжәсмн.

Хальмг телеүзгдл сарин туршарт балһсна школмудин сурһульчнр дунд зарлсн “Теегин айс” нертә хальмг дууна марһана түрүн девснгән үзүләд төгсәв.

Эн өдрмүдт мана танһчд хальмгин олн-әмтнә шүлгч Эрнжәнә Константина зун жилин өөн өргнәр темдглжәнә.

Танһчин школмудар сурһулин аш дигләд, аттестац давуллһна керг эклв. Элст балһснд эсвин предметар сөрж үзлһнә государственн шүүвр өглһнд нәәмн зун дөрвн сурһульч эндр орв.

Фашистнрин лагерьмудас тенд бәрәнд бәәсн әмтиг сулдхсна өдр эндр нарт-делкән олн-әмтн темдглжәнә. Жирн долан жил хооран Бухенвальд лагерин бәрәнд бәәсн күнд көдлмшәс көлтә муулян эдлж йовсн кесг олн-әмтн сулдхгдсн болдг.

“Давид Кугультинов — поэт, философ, гражданин” нертә номин нарт-делкән конференц эндр эклв. Эн керг-үүлдвр алдр шүлгчин йирн жилин өөнд нерәдгдсмн.

Хальмг Танһчин школмудт агроклассмуд көдлх.

Эн жилин июль сарин нег шин күртл олн давхрта гермүдт бәәх улс эврә бәәрндән дула оруллһна, ус өгдг, электрокүч орулдг системстан шишлнг счетчикүд тәвх зөвтә. Иим неквр федеральн закан тәвжәнә.

Эн жил Әрәсәд туужлгч жил болжана. 1812-гч жилә дән эклснә 200 зун жилин өөн күцв. Тер дәәнәд мана һазра улс бас зөрмг йовдлан үзүлж, төрскән харсч йовсмн.

Хальмгин бөк бәрлдәнә академин сурһульч Санж Каруев греко-римск янзар бөк бәрлдәнә Әрәсән чемпиона нер зүүв. Нижний-Новгород балһснд давсн Әрәсән чемпионатд Санж Каруев зөвәр дамшлтта бөкнрлә дөрлдәд цугтаәинь диилв.

Дулан өдрмүд ирәд, эргндк бәәдлд сольвр орулгджана. Эргндән урһмл экләд цецгәржәнә. Дигтә иим цаг зәрм әмтнд му ниилчән күргнә. Кесг әмтн аллергия гемәр гемтнә.