Эндр Хальмг танһчар ФСБ-н заллт бүрдәгдснә йирн жилин өөн темдглгджәнә
Эндр Хальмг танһчар ФСБ-н заллт бүрдәгдснә йирн жилин өөн темдглгджәнә. Байрин хургин йовудт эн церглтин нүүрлгч көдләчнрт болн ветеранмудт күндлһнә һашгуд болн ачлврмуд бәрүлж өггдх.
Далн долан наста Каару Якшибаев ода күртл чанһ-чиирг заглюн. Өрүн эрт гүүһәд, цогц-махмудан батрулж, зарядк кенә. Болв хамгин дурта эрдмнь — дегтр умшлһн болжана. Эндр өдрт кесг дегт умшв. Нег цагт һазадын ордудын бичәчнрин үүдәврмүдәр соньмсдг болв. ачнрнь энүг хамгин цецн энкр дурта аав гиж тоолна.
Күүкд ааван байрулна Алина йилһән сәәнәр сурһулян сурна наадк ач күүкнь бичкн школд орад уга тер бийнь йир керсү. Бәәдл жирһл сән бийән хөвтәд тоолнав — гиж Кару Бадмаевич — әәмшг уга бәәлһнә органа ветеран ухан тоолврарн мана зәнгчлә хувалцв.Келхд эн дурта эрдмәрн көдлв өрк бүлдән дөн түшг болж бәәнә.
Урднь энүнд цергллһнә үүлдврнь һоллгч чинртә болдг бәәсмн. Тиигхд өрк бүлнь энүнд түшг болжасмн. Авальдан Юлия Николаевнад ода бийнь эн икк ханлтта бәәнә, герин-бәәцин өдр бүрин көдлмш болн үр садан хәләж сурһж өсклһнә дааврта көдлмш терүнә ээмд ачгдсн болдг. КГБ-н церглтд орхин өмн Кару Якшибаев әәрмд церглсмн автоколоннд көдлсмн Көдлмшч коллективд энүнә шунмһа көдлмшиг таасад партин зергләнд орулж авсмнһ Терүнә дару Карун жирһлин шин халх эклв. Дотр дундын кергүдин органмудт церлснә дару әәмшг уга бәәлһнә церглтин Комитетд көдлмшт орулж авгдв Оперуполномоченн болж экләд даруһас кадрмудын әнгд көдлдг болв.
Церглтин үүлдвр нуувчта арвад жил давччн нуувчин юм һарһх зөв угавдн гиж тер келнә. Һазадын ордудас ирәд зөв угаһар зака эвддг йовдлмудын туст харшлж көдлхләрн госуд-нн нувчиг бәрх кергтә болна. Болвчн кесг жилмүд хооран учрсн нег нуувч үүлдврин тускар чекист тодлж келж өгв.
Офицер запаст бәәх полковник Кару Якшибаев төрскнч үүлдвриннь тускар баһчудт келж өгнә ФСБ-н заллтд дангин гиичд ирнә.
Чучян Валентина, Котина Валерий
