Июль сарин нәәмнд мана орн-нутгт өрк-бүлин, дурна болн итклин өдр темдглгдхмн
Июль сарин нәәмнд мана орн-нутгт өрк-бүлин, дурна болн итклин өдр темдглгдхмн. Эн өдрин өмн өргнд мана танһчин Лагань районд заһсчин өдр болхмн.
Олн әмтн күләжәсн «Новый Человек-паук»нертә фильм кинотеатрмудт үзж болх. Бичкн настадан Питер Паркериг эк-эцкнь үлдәнә. Энүг авһнь болн һаһань хәләж өскнә гиж шин кинод келгджәнә. Жил ирвәс Питер өсәд, школд сәәнәр сурдг болв. зуг энүг азд көвүд дарждг бәәж. Болв энүг өвәрц аралжн зуусна хөөн, Питер тас талдан көвүн болад, көвүнә жирһлин хаалһ сольгдв. Тер бйинь бчикн көвүн эк-эцкнь альд бәәхин тускар оньдин ухална. Тегәд Питер жирһлән шинәс экләд, илвтә Человек паукд хүврәд, азд-аля көддг улсиг әәлһнә.
“Белоснежка и охотник” нертә фильмд болхла бас илвтә туужин тускар келгджәнә. Эн күүкн ө-шуһу моднд бултад, өндр уулас бууж ирәд, тенгр халхлна. Олн церг харжах күн күрж чадшго бәәшнгд бәәх хатна илвтә нүрздгәс тас нег чигн күн бултж чадшго. Болв Белоснежкд иим хар сәкүсн хорлтан күргж чадхш. Тиигхлә хатн анһучиг йовулад, илвтә күүкнә зүркинь авч ир гиж зәрлг болна. Зуг анһуч иим сәәхн күүг үзчкәд, энүг харсад, дөн болна. Ик дәәлдән болх әәмшг учрна. Аштнь Белоснежк күүкн диилнә.
Дәкәд болхла, Пальмовин нертә келн-улсин музейд Москва балһсна фотомастер Екатерина Рожденственскаян һәәхүл көдлмшән эклх. Энүнд «Частная коллекция», «Мужчина и Женшина» болн «Кинодивы» нертә хуранһудын найн тавн зург үзж болхмн. Июлин нәәмнд өрк-бүлин болн дурна байрин өдр Элст балһснд Пушкина нертә скверд Парад колясок нертә сән зангшал болсн керг-үүлдвр болх. Энүнд баһ наста эк-эцкнр орлцх. Эдн эврәннь үрин тергиг седклән өгч кеерүләд үзүлх зөвтә. Эднә билг-эрдмиг шишлнг жюри үнлх. Эдн марһана дииләчиг йилһж авх Дииләчнр болн призермуд үнтә мөрәһәр ачлгдхмн.
