Элст балһснд автомобильмудын терз харнһулдг йовдлмудла ноолдан кегджәнә
Ода Элст балһснд цуг Әрәсәлә әдл автомобильмудын терз харнһулдг йовдлмудла ноолдан кегджәнә. Тонировк кесн улс шин закаһар ик ялд унхмн. Иим закан долан хонг хооран Әрәсәд батлж авгдсмн. Иим ял урдк ялын кемжәнәс зөвәр ик болжана. Нег үлү, зака эвдсн улсин машинас госномернь суһлж авгдх. Тер бийнь зәрм жолачнр иим чанһ некврәс әәжәхш.
Әмтн машиһар әәмгн угаһар йовхин төлә иим чанһ неквр олгиж автоинспектормуд цәәлһвр кенә. Тонированн машинас мууһар хаалһ үзгднә, тегәд чигн зеткртә йовдлмудын то өсәд йовна. Тер бийнь Хальмг танһчин хотл балһсна зәрм жолачнр иим чанһ неквриг дөннжәхш. Иим кеәвр машиһан харнулхла, машин улм кеернә, талдан улс болхла халун цагт нарн иим кевәр машиһан харнулж, серү кежәнә. Эднә тоолврар, һаза дөчн градус халунд машинд дегд цунг болад, йовхд күнд болна. Эднә келсәр, Хальмг танһчд зунар йир ик һан халун болна. Иим тонировк угаһар йовж болхш. Эн күүнә тоолврар болхла, мишинд суухла, цуг әмтн үзнә, магазинд суусн ла әдл болна.
Болв машидын эздүдин ик зунь иим чанһ неквриг дөннжәнә. Сүл цагт кемжәнәс икәр машиһан харнһулсн улсин то баһрад йовна. Энүнә тускар автосервисин көдләчнр келнә. Урднь шин закан батлж авад уга цагт, эднә салонд өдртән һурвн машин ордг бәәсн болхла, сүл долан хонгт зуг хойр машин нааран ирж. Тонировшик Тавна келсәр, урднь цуһар мшиһан харнулхар седдг бәәсмн. Ода болхла иим пленкиг эдн суһлжана. Өрүн эртәс авн тавн машин ирв. Жоланчр эврән иим пленкиг суһлж авч чадхш. Энүнә хөөн зусн үлднә. Тегәд шишлнг эв-арһ олзлжанавидн гиж Тавн келв.
Машинд ямаран герл оржахин тускар зуг шишлнг приборар медж болх. Ода Элстин автоинспектормуд зуг тавн иим приборат. иим нег прибор һучн минһн арслнг күрчәнә. Ода шин закаһар кемжәнәм баһ герл машинд бәәхлә, тавн зун арслнг ял өгх кергтә болжана.
Тер мет темдглж бичсн машиа тойг бас суһлж авгдх. Иим тойгиг дәкнәс бүртклһ кесн хөөн нег өдр болад хәрү авч болх. Элстин машина эздүд иим чанһ неквриг икәр таасжахш. зака эвдсн дөнч тавн күүнәс зуг һучн күн машинасн харнһулдг пленк суһлж авхар шиидв. Тонировкан цаглань суһлж авч чадж уга. Госномер авдгнь дегд чанһ засг биш. Урднь машидын өрәлнь терзән харнһулдг бәәсмн. Иим рейдмуд зака эвдсн улсиг илткж авхд дөн болжана.
Рейдын ашт арвн тавн машинас темдглж бичгдж авсн тойг суһлж авгдв. Ода иим госномер угаһар йовхла, тавн минһн арслнг ял өгх кергтә, тер мет һурвн сардан маши залдг зөв уга болх. Иим чанһ неквр күцәх кергтә. Эс гиж ялын кемжән дегд ик болж һарчана.
Санкун Кермн, Очра Сергей
