Давсн нарн өдр православн шажнд шүтдг улс әрүн Воскресение Христова сергжмтә байр темдглв. Танһчин цуг чонжст байрин мөргүлмүд болв. Байрин хамгин һол керг-үүлдвр — Казанск кафедральн чонжд сөөһәр болсн мөргүл болв.

Ода оньган өгтн! Смартфонта, планшетта болн Инстаграмм социальн залһлда олзлдг улст. “Утро России” нертә телепрограмм Эврәннь балһсна эврәннь өрү үзүл нертә ик төсв эклжәнә. Ода эн керг-үүлдвр делгрлт авчана.

Финансин пирамид тогтасн бүрдәһәч зарһин засгла харһулгдв. Эн күүкд күн далн зурһан кү меклж. Мек-тах кеһәд, хойр сай арслнг эн күн шингәж авч.

Ода мана танһчин зәрм райодт хаалһс шинрүлһж яслһна көдлмш күцәгджәнә. Сүл жилмүдт хаалһс шинрүлж яслһна көдлмш күцәгдәд уга билә.

Эндр Элст балһсна Ипподромная уульнцд тосхгдсн хөрн һурвдгч тойгта бичкдүдин сад байрин бәәдлд секгдв. Б-З: Энүнд Хальмг танһчин толһач Алексей Орлов орлцв.

Элст балһснд “Булһар мяч” нертә футбольн балһсна марһан эклв. Дииләчнр һурвн насни багд йилһрх. Энүнд хотл балһсна эрдм-сурһулин учрежденьсин арвн хойр команд дөрлджәнә. Эдн һурвн әнгд хувагдж дииләчән йилһжәнә.

Эндр Элст балһснд солын болн билг-эрдмин педагогическ көдләчнрин танһчин ик хург болв. Энүнд сойлын халхар художественн эрдм-сурһулин делгрлтин төрмүдәр күүндвр болв.

Танһчин селәнә эдл-ахус залһдан уга государственн дөн гиж тәвн долан сай арслнг авв. Иим мөнг буудя урһадг танһчин йисн район авсмн. Давсн жилд һан-халун болнас көлтә иим дөн күрггджәнә.

Эндр Хальмг танһчд бачм чинртә йовдлын таалд көдлдг негдсн гсоударственн системин залврин органмуд, чидлмүд болн эв-арһин үүлдврин дамшлтын сурһуль төгсв.

Эндр Элст балһснд шажна хоорндк хүүвин сүүр болв. Эн жил хүүв бүрдәгдәд арвн жил давв. Шажна үүлдәчнрин келсәр, иим хүүвин сүүрт олз-туста күүндвр болна.

Элст балһснд соньн номин фестиваль болв.

Эндр “Алдр Торһн Зам” нертә экспедицин орлцачнр Яшкульск района Улан Эрг поселкд ирх. Эдн Үстин района Бергн поселкас экләд һарч йовсмн. Энүнә хөөн зуульчнр Приютненск районд темцх.

Элст балһснд дулан өдрмүд олзлад, хаалһс яслһна көдлмш эклв. Эндр өдрт дөчн тавн тонн асфальтобетон делггдв. Иньглт паркин эргндк аһун хаалһст шинрүлдж яслһна көдлмш төгсв.

Эндр Элст балһснд “Жилин багш” нертә танһчин марһана товчлгч девснг эклв. Школмудт болсн марһанд тәвн зун багш орлцв, муниципальн дөрлдәнд һурвн зун күн дииләчән йилһв.

Хальмг танһчин болн “Лукойл” компаня хоорндк нөкцлтин төр танһчин толһач Алексей Орловин болн нефтин компаня элчлә эндр болсн харһлтын һол төр болв.