Эндр прокуратурин ветеран, төрскән харсгч дәәнә орлцач Иван Сафонов йирн жилин ончта өөнән темдглжәнә. Эндр энүг хамдан көдлж йовсн улс халунар йөрәв. Хальмг танһчин толһач Алексей Орлов ветераниг бас йөрәв.

Элст балһснд Хальмг танһчин волейболд дурта улсин кубокин марһан болв. Танһчин болн хам-хоша бәәх регионмудын нәәмн команд дииләчән йилһв.

Түүмрәс әәмшг уга бәәлһнә нег сара керг-үүлдврин программар региональн МЧС-ин көдләчнр олн-зүсн керг-үүлдврмүд, тер тоод марһас, тематическ һәәхүлмүд бүрдәж давулжана. Энүг Әрәсән түүмрәс харлһна церглт тогтасна өөнд нерәдж давулжана.

“Агроклассы как инновационный проект профильного образования”. Иим нерәдлһтә танһчин семинар Городовиковск района Кировск дундын школд болв.

Эндр өрүн Элст балһсна Хомутниковин нертә уульнцд сурһульчиг машин дәврв. Нег сәнь, энүнә ашт көвүн шав авсн уга. Эн зеткртә йовдлыг элстихн үзж.

Хальмг танһчин аһуд төрскән харсгч дәәнлә залһлдата зун жирн мемориальн комплекс болн бумб бәәнә. Энүнд жил болһн ясврин көдлмш кех кергтә.

Көглтин Дава, Стефан Цвейг, Санжин Бося болн Цветаева Марина, Роберт Рождественский болн Ольга Берггольц. Эднә үүдәврмүдиг Мини Һазр нертә актерск марһана орлцачнр умшж өгв. Иим марһан жил болһн бүрдәж давулгдна.

Царнгудт усн кергтә. Эндр өдрт Хальмг танһчин царнгудын ик зууднь усн орулгдв. Эн халхар Хар Һазра, Көтчнрә, Целинн болн Яшкульск райодт сән бәәдл тогтв.

Хаалһд зун зеткртә йовдл учрв. Эннь зуг бичкдүд орлцата то-диг. Энүнә ашт нәәмн күн әмнәсн хаһцв, зун арвн тавн күн шавтв. Эннь давсн жилин аш болжана.

Жилин багш. Целинн районд танһчин марһана мцниципальн девснг эклв. Хамгин сән багш һурвн номинацар шүүж авгдх.Светлана Есенова Деед Яшкулин санаторн школын немр сурһулин багш.

Элст балһснд насни дигт күрәд уга бичкдүдт әрк-чаһр хулдшго закан яһж күцәгджәнә? Мана үүдәгч баг МВД-н көдләчнрлә хамдан хулд-гүүлгәнә предприятьмудар рейд кев.

Синоптикүдин тааврар, иргч өдрмүдт мана танһчд бүркг өдрмүд болх, хур орх. Аһарин кемжән нәәмн градус дулан болх. Одахн учрсн салькна аюлас көлтә ик һару һарв.

Хальмг танһчд арвн-арвн һурвн наста бичкдүд дунд картаэн Өмн үзгин федеральн округин марһана дииләчнр йилһрв. Дөрлдән спортын мастер, хальмгин каратэн федерацин ах зарһч Станислав Орашевин санлд нерәдгдв.

Хальмг танһчин түрүн скульптор Никита Санджиевин йирн жилин өөнд нерәдгдсн байрин керг-үүлдврмүд цаарандан болжана. Энүнә программар байр энүнә төрскн селәнд Целинн района Ик Чонс селәнд болв.

Хальмг танһчд залврин компаняс өринь күчәр некж авгдв. Зарһин приставмудын региональн заллтин барин церглтин зәнглсәр, Сантехниксервис компаняс күчәр тавн зун жирн тавн минһн арлснг некж авгдв.