Үрдүдән хайсн эцкнриг ямаран засгла харһулхмб?

“Күүнә бичкдүд бәәдм биш”. Иим нерәдлһтә буйнч секдлин керг-үүлдвр Хальмг танһчин зарһин приставмудын заллт бүрдәж давулв. Энүнә һол күцлнь — алиментын өртә эцкнр үрддүтән нөкд болхин туск төр тәвгджәнә. Күүкд күүнд һанцхарн үрдүдән өскхд күнд болна.

Галина Деляеван келсәр, ода күүкнь йисн наста. Эцкнь меднә. Зуг алимент өгчәхш. Энүг зарһин приставмуд хәәв. Ода олж авч.

Энүнлә әдл иим тууж дала. Залу-гергн хойр салхар седхләрн, эврәннь үрдүдин тускар тас ухалхш. Ода Галина Деляева һанцхарн үрән өскжәнә, Оксана Пипенко болхла хойр үрән босхжана. Отхн күүкнь зуг хойр нас күрхлә авальнь гертәсн зулад йовж одв. Ода күүкнь зарһан наста. Инвалид болв чигн Оксана көдлжәнә. Тер бйинь мөнгн оньдин күртхш. Әрә гиж хот-хоолан хулдж авна. Бичкдүднь өсәд, эднд хувц-хунр болн талдан чигн тоот кергтә болна. Эднх эцкнь тас нкөд болжахш, яһж өсжәхин тускар соньмсхш.

Оксана Пипенко келсәр, бийнь инвалид. Мөнгн тас күртхш. Күүкән негдгч класст белдх кергтә болжана. Ода “Буратино” студьт орулжана. Школын өмн белдвр кех кергтә.

Тер мет Наталья Утина бас күнд бәәдлд тусв. Энүг авальнь һурвн үртәһинь үлдәһәд, йовж одв. Салсн цагтан залу-гергн хойр өрк-бүлин теткврин материальн халхиг хоюрн даахар шиидсн билә. Түрүн авгтан эцкнь дөн күргжәлә. Зуг цөн жил хооран коммунальн туслжмин мөнг өгдән уурв. Тер саамд коммунальн туслжмин өрн сар болһн өсәд йовна. Ода эдн жирн минһн арслнг коммнульан туслмжин мөнг өгх зөвтә.

Наталья Утина келсәр, авальнь ода эктәһән һурвн хората патьрт бәәнә. Эдн бас мөнгн уга болжах. Болв эднд бас күн болжана.

Цуг эн күүкд улс иим күнд бәәдллә зөвшәрлго, энүг чиклхәр седжәнә. Эдн зарһд эрлһ орулж өгв. Ода эн һурвн эцк зарһин приставмудын бүртклһнд бәәнә.

Наталья Утина келсәр, зарһин приставмудын бүртклһнд бәәнә. Зуг көдлхш. Сардан арвн һурвн минһн арслнг алимент өгх зөвтә. Зуг көдлмш уга бәәсн тускар спавк өгнә. Ода энүнә өрнь өрәл сай арлснгд күрв.

Галина Деляеван келсәр, зарһд эрлһ орулж өглә. Аавльднь көдлх засгин шиидвр авгдла. Зуг жалвин тавн процентинь шангд орулж өгнә. Күүкндән мөнг өгчәхш.

Хальмг танһчин зарһин приставмуд өрк-бүлдән нөдк эс болжах эцкнриг чанһ бүртклһн авад, эднд онц оньг тусхах. Эндр өдрт алимент некж авхин төлә нег минһн долан зун күцәгч документ зарһин приставмудын заллтд бәәнә. Иим документ болһн бичкдүдин зөв харсж, эднд дөн күргх зөвтә. Алиментан эс өгчәх өртә эцкнр олн-зүсн засгла харһулгдна. Иим кевәр эдн эцкиннь даавран күцәх неквр кегджәнә. Зәрмдән зарһин приставмуд өртә улсин зөөр бичж авна, талдан өртә улс һазадын ордудт одх арһ уга болна, һазадын орна паспорт эднд һарһж өггдхш. Талдан өртә эцкнриг алимент өгхин төлә көдлмшт орх неквр тәвнә. Тер мет эн хурц төрт олна элчнр оньг тусхахин төлә зарһин пристамудын церглт талдан чигн эв-арһ олзлж көдлжәнә.

Зарһин приставмудын заллтин барин церглтин көдләч Делгр Бадгаеван келсәр, эндр өдрт жирн алиментын өртә эцкнр хәәврт бәәнә. Эднә зурн Элстин цутхлнг талвнгд бәәх экранд үзүлгднә. Тер мет эднә зург заллтин сайтд бас бәәнә. Эдниг үзсн элгн-саднь болн эк-эцкнр өрнә тускар келх гиж нәәлжәнә. Тегәд өрән баһ саһар экләд данцах гисн ицл бәәнә.

Дәкәд болхла региональн зарһин приставмудын заллин седәрәр буйн седклин керг-үүлдврмүд бүрдәж давулгдна. Иим көдлмш сән зангшалд тохрв. Харм төрхд, һанцхарн үрдүдән өскжәх экнр мөнг уга болад, бичкдүдән кафед эс гиж концертд авч оддг арһ уга болна. Эндр урдк жилмүдлә әдл бичкдүдиг әмтән хот-хоолар тоолһнд шажна элчнр бас орлцв. Эднә тоолврар, эк-эцктә дорас өсж йовх бичкдүд күнд-түрү бәәдлд бәәх зөв уга. Бичкдүд мана иргч. Энүнә тускар өрк-бүлән хайсн эцкнр мартх өв уга.

Казанск кафедральн чонжин гелнг дьякон Дионисий келсәр, эцкнр эврәннь үрдүдән мартх зөв уга. Эднлә харһад залһлда бәрхлә сән болх. Бичкдүдт эцкин дөн кергтә болна.

Чучян Валентина, Котина Валерий