Шин хаалһ экләд тосхгджана

Хальмг танһчин аһуд Астраханск областин межәһәс Дагестан күртл “Әәдрхн-Кочубей-Кизляр-Махачкала” хоорндк автомобильн хаалһин участкин тосхлтын ик көдлмш кегджәнә. Астраханск областяр давж һарчах участкд асфальтированн хаалһ тосхгдв. Энүнә түрүн девснгнь хойр минһн арвн һурвдгч жилд төгсв. Ода эн хаалһ Хальмг танһчин межәд күрч ирв. Энүнд көдлмшин хойрдгч девснг кегджәнә. Энүг эн жил хойр минһн арвн дөрвдгч жилд төгсәх зурата. Тиигхлә хаалһи Әәдрхнә участк бүклдән эдлврт орх. Тосхлтын төсвәр хаалһ хойр участкт хувагдх. Эднә негнь хойрдгч категорин кемжәһәр тосхгдх, хойрдгчнь һурвдгч категорин кемжәтә болх. Хаалһ хойр әнгтә болх. Түрүн участкд хаалһ өргндән долан дундур метрт күрх, хойрдгч участкд долан метр болх.