Дорас өсж баһчуд хальмг улсин уул авьяс зангшал медх зөвтә

Хальмг улс ик кезәнәс авн уул авьяс зангшлан бәрдг бәәсмн. Зуг өдгә цагт дорас өсж йовх баһчуд өвкнриннь цецн уха, уул авг-бәрц бәрлго, хажһр йовдл һарһна. Тегәд чигн эднә үрдүд дару-дарунь гемтәд, зовлнг үзнә. Кемр хальмгуд эврәннь сән зангшлан медәд, аав-ээжин олзлж йовсн бәрциг бәрхлә, бәәдл-жирюл чигн тас талдан болх.

Мана хальмг улст цер гидг хуучн авьяс бәәнә. Му юмн бичә болтха гиһәд цер авдг бәәсмн. Цер гидг авьясиг күн болһн медх зөвтә. Хамгин түрүнд һол оньган мана өвкнр нилхд өгдг бәәсмн. Бичкн күүкиг сәәхн өкәр гиж келдго. Нилхд бичә гемтхә гиһәд му көвүн му күүкн гиж эднә тускар келдг.

Бикдүд гемтхлә мана ээж аавнр дангин ламнрт оддг билә. Лам ном умшад гемин эдгәдг бәәсмн. Хар келиг утлулад, насынь утдулад болн талдан чигн авьяс заншал күцәдг бәәсмн. Көгшә Увшин Надвидан келсәр сар болһн һурв дәкж өрк бүлдән номан умшад, хальмг цәәһәр дееж бәрәд зальврх кергтә болжана.

Дөрвдә медәт Увшин Надвид эндр өдр ачнртан бәәнә. Бичкн жич күүкән хәләһәд , дорас өсч йовх баһчудтан нүдн амн болад, эдндән медсән келәд жирһәд бәәнә. Бер цаһан энр өдр йир байрта бәәнә, тер юнгад гихлә аавнь дала юм өдр болһн келж өгнә, нөкд болна.

Көгшә Увшин Надвид өвкнриннь авьсарн унг тохминнь болн отг әәмгиннь туужан сергәж дорас өсч йовх үйнрт зааж өгхәр шунна. Тер мет улан залата хальмгудын авьяс заншалан мартлго әрүнәр хадһлж энүгәр көтлвр кеж йовтн гиж баһчудт заана.

Аджин Светлана, Жамбин Дмитрий