Государственн нег янзта билет анһучнрт өггдхмн
Анһучнрт государственн нег янзта билет өггдхмн. Иим документ июлин нег шинәс авн экләд өггджәнә. Намрин-үвлин өмн өргнд анһучлх зөвшәл авх улсин то өснә. Эндр өдрт дөрвн минһн шин янзта билет өггдв. Ода мана танһчд ут-тоодан йисн минһн анһуч бәәнә. Хуучн билетиг шин документд сольхд ода амр болв. Энүнә төлә немр документ болн талдан чигн цаас өгх керг уга. Им документ государственн туслмж болснас иштә өгнәр тавн хонгин эргцд өөгдх. Шин документиг жил болһн шинрүлх керг уга, урднь болхла энүг жилд нег дәкж сольх неквр бәәсмн. Ода болхла иим билет болзг угаһар өггджәнә. Августын нег шин күртл Хальмг танһчин аһуд зерлг һаха анһучлх кемжән болн эдниг бәрж авх то бәәсмн. Шинжләчнрин кесн то-дигәр, Хальмг танһчд ода найн зерлг һаха бәәнә. Спецалистнрин темдглсәр, һахасин маальг гемәс саглулхин төлә зерлг һахас хаж авлһна керг-үүлдвр күцәгджәнә.
