Шин жиләс авн шин закан бәәдл-жирһлд орулгджана

Шин жилд шин зокалта орв. Январин нег шинәс авн шин закад болн тогтаврмуд бәәдл-жирһлд орулгджана. Үлгүрнь, әмт зөөжәх, әәмшгтә күнд аца зөөжәх көлгн-күчн ода эрк биш ГЛОНАСС навигаторта болх зөвтә. Иим оборудовань углж тәвхд жолачнрт цаг бәәнә. Иим оборудовань уга машидын залачнриг эн жилин июлин нег шинәс авн ялд унһах. Ялын кемжән һучн минһнас авн тәвн минһн арслнг күртл күрх. Тер мет пассажирмудын эрүл-мендин халхд эвдрлт күргснә гражданск дааврин даатхлһн орулгджана. Иим закаг цуг жолачнр күцәх зөвтә. Зуг гиигн таксин жалачнр эн заканд харһжахш. Даатхлһн угаһар әмтн зөөж болшго. Апрелин нег шинәс авн зака эс күцәсн әмтн административн засгла харһулгдх. Ведомствсин һардачнр тәвн минһн арслнг ялд унх. юридическ чинртә әмтн нег сай арслнг ял өгх. Тер мет ода Әрәсән әмтн невчк байжх. Күч-көлснә жалвин хамгин баһ кемжән өсв. Урднь эн кемжән дөрвн минһн зурһан зун арслнг тогтажасн болхла, ода иим кемжән тавн минһн хойр зун арслнг тогтажана. Дәкәд болхла бичкн магазид болн палаткмуд пиив хзулдх зөв уга. Энүг спирт бәәх чаһр гиж тогтав. Ода пиив хөрн һурвн часас авн өрүн нәәмн час күртл хулдгдшго. Энүг зуг кафе, бармуд болн ресторанмуд хулдж чадх. Тер мет газетмудт әрк-чаһрин реклам бас барлгдшго зака һарв.