Һазадын ордудын оютнрин фестиваль болжана
Эндр Элст балһснд Әрәсән Өмн үзгин федеральн округд сурчах һазадын ордудын оютнрин секәтә түрүн фестиваль көдлмшән эклв. Эн баһчудын хург мы такие разные, но мы вместе нерәдлһтәһәр бүрдәгдв. Фестиваль байрин бәәдлд секлһнә байрт күндтә гиич болж Бенин Республикин элч, һазадын ордудын талдан элчлтин көдләчнр, Әрәсән эрдм-сурһулин министерствин элчнр орлцв. Хальмг танһчин толһач Алексей Орлов гиичнриг йөрәһәд, олн келн-улсиг негдүлжәх оютнрин иньглтин сән зангшал сойлын болн талдан чигн седвәрин сән ул болжана гиж темдглв. Өдгә цагт хальмгин государственн университетд һазадын ордудын зун оют сурчана. Эднәс ик зунь орс кел сәәнәр дасад, медрлән үзүлв. Эдн орсин алдр шүлгч Александр Пушкина шүлгүд умшв, орс келәр ду дуулв, би биилв. Эндр баһчуд иньглтин, нөкцлтин болн теслтин байрт орлцад, чеежин йоста сән сергмж авв.
