Хальмгин хурл "Россия 10" марһана хойрдгч девснгд орв

“Россия 1” — марһана хойрдгч девснг эклв. Хальмг танһчин цутхлнг хурл Бурхн Багшин Алтн сүм Өмн үзгин федеральн округд нүүрт һарад, полуфиналд дөрлдх зөв авв. Әрәсән архитектурин, туужин болн сойлын найн бумбин тоод орв. Хальмгин хурлын төлә һурвн зун жирн минһн күн дууһан өгв. Ода дууһан өглһн шинәс эклв. Болв энүнә зокал сольгдв. Ода дууһан өгхин төлә шишлнг темдг орулх кергтә. Өдрт һурв дәкж дууһан өгч болх. Дәкәд нег толад келхлә, товчлгч девснгд арвн обьект орх. Эдн Әрәсән шин темдг болхмн. Хальмгин цутхлнг хурлын төлә сентябрин хөрн йисн күртл дууһан өгч болх. Дәкәд нег толад келхлә, “Россия 1” телеканал Әрәсән географическ ниицәнлә хамдан иим марһа бүрдәһәд, нарта-делкән туризмин обьект гиж мана орн-нутгар соньмсулхин төлә кежәнә.