Царцахала ноолдан кегджәнә
Царцаха олар тархагджахас иштә танһчин һурвн районд бачм чинртә бәәдл тогтагдв. Ик-Буурла районд хортн арвн дөрвн минһн гектарт тархагдв. Октябрьск районд долан минһн гектар, Лаганск районд дөрвн минһн гектар һазриг царцаха эзлв. Эндр өдрт арвн нәәмн минһн гектарт хорн цацгдв. Энүнәс көлтә селәнә эдл-ахун тәрән үрсн уга. Царцахала ноолда кехин төлә авиац олзлгдв. Халун өдрмүд царцахал олар тархагдхд сән нилчән күргжәнә. Тер мет танһчин талдан чигн райодт царцаха тархагдснь илткгдв. Эн халхар бачм чинртә бәәдл тогстн цагт селәнә эдл-ахун предприятьмудт региональн правительств мөнгнә дөн күргх. Специалистнрин келсәр, ода эн туст тогтсн бәәдл бүтклһнд бәәнә. Июлин чилгчәр царцаха нисәд һархла энүнлә ноолдхд күнд болх. Тегәд ода эн хортнла самолетмудас хор цацад ноолдан кегджәнә.
