Ода эн болн талдан тшрмүдин тускар тодрхаһар. Селәдин аһун делгрлт комплексн кевәр кегдх. Эн төр эндрк танһчин правительствин президиумин сүүрт һол төр болж хәләгдв.
Хальмг танһчин МВД-н “Динамо” ОВО команд танһчин толһачин кубок шүүж авв. Товчлгч нааднд эдн Көтнрчә района футболистнриг шүүв. Эн өдр мана танһчд физкультурникүдин байр болв.
Иргч жилин январин хөрн тавнд Хальмг танһч “Сочи 2014” нертә олимпийск һалын эстафет тосж авх. Сочи балһснд болх үвлин олимпиад күртл зун найн өдр үлдв.
Хальмг танһчин хотл балһснас зун тәвн долан дуунад хаалһд учрсн зеткртә йовдылн ашт нег күн әмнәсн хаһцв, һурвн күн шавтв.
Хальмг танһчин правительствин ахлач Игорь Зотов Ик-Буурла района предприять болн учрежденьсин һардачнрла харһлт кев. Энүнд хаалһс тосхлһна болн уудг усар тетклһнә төрмүд босхгдв.
Эндр Жемчуевин нертә танһчин больницд эрүл-менд харлһна төрмүдәр тодрха күүндвр болв. Селвлцәнд танһчин эрүл-менд харлһна министерствин элчнр, райодын цутхлнг больницмудын ах эмчнр, танһчин толһач Алексей Орлов орлцв.
Әрәсән социальн-экономическ делгрлтин программд Президент Владимир Путин өөдән мергжлттә номин специалистнр белдлһнд ик оньг тусхажана. Мана танһчд иим специалистнриг Хальмгин государственн университет белднә.
Баһ Дөрвд селәнә зун дөчн көвүн-күүкн сентябрин нег шинд шинрүлгдсн бичкдүдин садт орх. Эн цаг күртл садын гер күцц шинрүлгдж ясгдхмн. Энд капитальн ясвр давсн жилин декабрь сард эклсн билә.
Элст балһснд дәәнә болн күч-көлснә ветеранмудын танһчин олна организацин пленум болв. Энүнд төрскән харсгч дәәнд диилвр бәрсн далн жилин өөнд белдвр келһнә болн байр темдглһнә төрмүдәр күүндвр кегдв.
Намрин-үвлин кемд белдлһнә халхар темдглсн зураһар дааврта кем эклжәнә. Иргч дула өглһнә сезонд шишлнг комиссь котельнсин белдвр бүрткж хәләжәнә.
Хальмгин университет йилһән сәәнәр төгсәсн баһчуд эндр танһчин толһач Алексей Орловла тодрха күүндвр кев.
Алиментас зулжах улсин тускар хөрн тавн уголовн керг күцәгджәнә. Жирн хойр күн хәәврт бәәнә. Энүнә тускар Хальмг танһчин зарһин приставмуд зәнглжәнә. Эндр эдн алиментын өртә гермүд эргж йовцхав.
Эндр цуг нарта-делкән мусульманмуд Рамадан Байрам байр темдглжәнә. Шажнд шүттг улс эн өдр оюни дамшлтан өөдлүлж чаджана.
Поликлиник машин деер көдлжәнә. Иим мобильн медицинск комплекс танһчин хол селәд-поселкст одад, улсиг сән чинртә шинжлтд орулжана. Арвн зурһан специалист темдглсн зураһар хамгин хол селәдт одх.
Баһ Дөрвдә районд һан-халунас көлтә һарсн һару тоолж һарһв. Долан жил дарандан догшн халун болад, Баһ Дөрвдә район буудян урһц хураж авч чаджахш.