Правительствин президиумин сүүр болв

Ода эн болн талдан тшрмүдин тускар тодрхаһар. Селәдин аһун делгрлт комплексн кевәр кегдх. Эн төр эндрк танһчин правительствин президиумин сүүрт һол төр болж хәләгдв. Сүүриг танһчин правительствин ахлач Игорь Зотов һардв. Селәдин аһун делгрлтин танһчин шишлнг программар райодын зурһан зун өрк-бүл бәәдг гермүдәр теткгдх, эднәс һурвн зун баһ наста өрк-бүл болн баһ наста специалистнр. Селәдт газ орулһна кемжән тәвн һурвн процентас найн тавн процентд өсх. Хальмг танһчин селәнә эдл-ахун министр Петр Ланцановин келсәр, программин һол күцлнь — селәнә улсин бәәдл-жирһлин кемжә өөдлүлһн болжана. Августын хөрн һурвн күртл селәдин аһун делгрлтин программд орх обьектмудын то батлж авх даалһвр танһчин эрдм-сурһулин, сойлын болн номин болн эрүл-менд харлһна, социальн делгрлтин министерствст сүүрин ашар Игорь Зотов өгв.