Элст балһснд тавн өдр олна көлгн-күчн йовжана. Хотл балһсна әмтн шин автобусмудыг таасжана. Ода гертәсн холд сурчах сурһульчнр шин көлгн-күчәр экләд йовжана.

Ода эн болн талдан төрмүдин тускар тодрхаһар. Хальмгин алвна көдләчнр негдсн шин документ әмтнд илгәв. Патьрмудын, гермүдин, һазрин участксин болн көлгн-күчнә эздүд давсн жилин квитанц авв.

Хальмгин школмудт әәмшг уга бәәлһнә кичәлмүд болх. Сентябрин эклцәр түүмр унтралһна көдләчнр, харсачнр, ГИМС-ин инспектормуд сурһулин заведеньст шишлнг сурһуль бүрдәж давулх.

Ода сойлын зәнг. Эн өдрмүдт хальмгин келн-улсин Баснга Баатрин нертә театр шин сезонд белдвр кежәнә. Хәләһәчнрин төлә эдн шин наад белджәнә. Хувц уячнр болхла актермудт шин костюм уйжана.

Элст балһснд негдсн зәнглһнә өдр болв. Хөрн һурвдгч школд сүүрт орлцачнр эрдм-сурһулин халх шинрүлһнә федеральн программ мана танһчд күцәлһнә тускар күүндв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Ода талдан төрмдүин тускар. Хальмгин университет дииләчнрин тоод орв.

Ода эн болн талдан төрмүдин тускар тодрхаһар. Эндр Әрәсәд сурһульчнр, оютнр болн багшнр медрлин өдр темдглжәнә.

Хальмг танһчд нәәжнртән үрвр кежәнә. Иим нерәдлһтә нарта-делкән түрүн фестиваль Элст балһснд болв. Энүнд Бурятин, Израилин, Тыван, Монһлын, Кидин артистнр орлцв. Эннь искусствин нарта-делкән түрүн иим ик фестиваль болв.

Сентябрин нег шин күртл танһчин школмудын белдврин йовуд бүркж хәләгдв. Вознесеновск школд капитальн ясвр кехинь кесг жилдән күләж. Эндрк сурһульчнр шинрүлгдсн школын герт сурһулян дасх.

Давсн амрлһна өдрмүдт Үстин района далн тавн жилин болн Цаһан Амн селәнә хойр зун арвн тавн жилин өөн бәәрн әмтн темдглв. Энүнд спортын болн сойлын программ болв.

Хальмг танһчд Әрәсән олн-әмтнә артист Михаил Боярский ирсн билә. Нертә актер орлцата Интимная жизнь нертә наадн государственн концертн залд болв.

Сурһулин шин жилин өмн өргнд бичкдүдиг халун хотар тетклһнә төр эк-эцкнриг үүмүлжәнә. Эрдм-сурһулин халх шинрүлһнә программар сурһулин заведеньст столов шинрүлж ясгдв.

Танһчин толһач Алексей Орлов Яшкульск района һардачнрла харһлт кев. Энүнд усар, газар тетклһнә, эрдм-сурһюулин учрежденьст ясврин көдлмш келһнә болн талдан чигн төрмүд босхгдв. Ода районд зуг һурвн селәнд газ уга.

Ода эн болн талдан төрмүдин тускар тодрхаһар. Эндр муниицпальн олна көлгн-күчн Элстин уульнцд һарв.

Эндр Уфа балһснд ВГТРК бүрдәж давулжах Голос Евразии фестивалин дииләчнрин нерд медгдх. Башкирин хотл балһснд Әрәсән олн регионмудын элчнр ирв. Тенд мана үүдәгч баг бас көдлжәнә.