Көтчнрә районд хаалһд зеткртә йовдл учрв

Хальмг танһчин хотл балһснас зун тәвн долан дуунад хаалһд учрсн зеткртә йовдылн ашт нег күн әмнәсн хаһцв, һурвн күн шавтв. Элст балһснас Санкт-Петербург балһснд йовж йовсн пассажирск автобус аца зөөдг машинла цоклдв. Зеткртә йовдл августын арвн негдн өрүн арвн часин алднд учрв.

Эн видеозругдуыг МЧС-ин көдләчнр зеткртә йовдлын хөөн цокж авч. Автобуст пасссажирмуд дунд бөдүн улсла хамдан бичкдүд йовснь үзж болх. Автобусин жолачин келсәр, эн өдр зеткртә йовдл учрх гиж санжасн уга. Өрүн эрт медицинск хәләврт орчкад, хаалһд һарч йовв.

Автобусин салонд арвн тавн күн йовж. Санкт-Петербург балһснд йовж йовсн автобус аца зөөдг машинла цоклдж. Аштнь нег күн әмнәсн хацһв. Олн күн шавтв. Автобусин салонд хөрн негдгч болн хөрн хойрдгч тойгта суудл баһ наста күүнд зеткртә орм болж һарв. Әмнәсн хаһцсн көвүн шинкн арвн нәәмн наста бәәж. Санкт-петербург балһснд йовж йовсн автобусин пассажир бәәж. ГИББД-н көдләчнрин келсәр, Волгоград балһснас һарч йовсн аца зөөдг машина залач унтад, зөрүд йовсн машидын хаалһд һарч.

ГИБДД-н көдләч Игнат Куцековин келсәр, зеткртә йовдылн ашт нег күн танһчин бәәрн арвн нәәмн наста күн әмнәсн хаһцв. Һурвн пассажирт медицинск дөн күрггдв. Энүнә хөөн эдн хәрв. Автобуст ут-тоодан арвн тавн күн йовж. Хойр көлгн-күчнә техническ бәәдлнь сән билә. Ода мөшклһнә органмуд шинжлт кежәнә.

Аца зөөдг машина жолачиг полицин района әнгд күргв. Аца зөөдг машина салонд йовсн күүнлә мана зәнгч күүндж чадв. Автобусла цоклдснас көлтә машина зүн халхнь эвдрв, тер тоод төгә, үүдн эвдрж. лайф зектртә йовдл учрсн цагт унсн бәәж. Жолачиг полицин әнгд күргж.

Шав авсн һурвн күүг Көтчнрә района больницд орулв. Эднд медицинск дөн күргсн хөөн, больницд кевтсн уга. Района травмпунктд сән чинртә медицинск дөн күргхин төлә цуг таал бәәнә.

Эмч-реаниматолог Санл Катмашовин келсәр, һурвн шавтсн күүнә шав әәмшгтә биш гиигн. Зуг нег залу күүнә әәмнь шавтада, энүнд кергтә хирургическ дөн күргв. Әәмнь хамхрсн уга бәәж. Энүнд медицинск дөн күргснә хөөн, гер талан хәрв.

Ода госавтоинспекцин көдләчнр зеткртә йовдлын цуг учринь илткж авчана. Харм төрхд, сүл сармудт хаалһст зеткртә йовдлмудын то өсәд йовна. Сентябрин нег шинәс авн хаалһар йовлһан заканд сольвр орулгдад, ялын кемжән өсхлә, хаалһст бәәдл сольгдх гиж нәәлжәнәвидн.

Ээнән Делгр, Котина Валерий