Тадн танһчин зәнг шуд эфирт хәләжәнәт. һарцан цаарандан өгчәнәвидн. Ода талдан төрмүдин тускар.

Ода талдан төрмүдин тускар. Көтчнрә район далн тавн жилин ончта өөнән темдглв. һучн нәәмдгч жиләс авн танһчин картд район темдглж бичгдв.

Хальмг танһчин толһач Алексей Орлов Октябрьск районд көдлмшин кергәр одв.Хамгин түрүнд танһчин толһач Цаһан Нур селәнә школд одв. Энд ясврин көдлмш төгсв.

Ода эн болн талдан төрмүдин тускар тодрхаһар. Комсомольский селәнә газин сурвлжнд ясврин көдлмш төгсв. Дәкәд нег тодлад келхлә, июнин дундурар Прикумский поселкд газин сурвлжнд эвдрлт болснас көлтә газ өггдсн уга.

Ода талдан төрмдүин тускар. Зунын кемд аллергий гемәр олн улс гемтнә. Урһмл болн цецгүд иим улст йоста хортн болж эдниг зована. Тер тоод бичкдүд бас икәр зовна.

Элст балһсна арвн һурвдгч тойгта бичкдүдин сад көвүд-күүкдиг орулж авхдан белн болв. Ясврин болн шинрүлһнәкөдлмшин хөөн эн гер тас талдан бәәдл һарч одв. Августын чилгчәр шинрүлгдсн сад байрин бәәдлд секгдх.

Элст балһснд хаалһсин ясврин көдлмш цаарандан кегджәнә. Июль сарас авн Сухэ-Баатрин, Кировин нертәуульнцин хаалһс шинрүлж ясгдв. Эн жилин чилгч күртл хотл балһсна талдан чигн уульнцд хаалһс ясгдх зөвтә.

Ода эн болн талдан төрмүдин тускар тодрхаһар. Сурһулин шин күртл хойр долан хонг үлдв. Сурһульчнр школд белдвр кежәнә. Эн кемд хамгин икәр эднәэк-эцкнр зовна.

Танһчин журналистнрла болсн харһлтд Хальмгин университетин ректор Бадм Салаев эн жилин приемна комиссин көдлмшин аш диглв. Хальмгин деед сурһульд сурх саната баһчудын то эн жил зөвәр өсв.

Хуучн нурад унжах гермдүин эздүд шин бүүрт нүүж орхан тенкән уга гидгәр күләжәнә. Тер тоод Элст балһсна Правда переулкин дөрвдгч хойр давхрта гермүдин эздүд шин патьр күләжәнә.

Тадн танһчин зәнг хәләжәнәт. , арцан цаарандан өгчәнәвидн. Ода селәнә туск зәнг. Буудян урһц хуралһна көдлмш цаарандан кегджәнә.Селәнә эдл-ахун министерствин зәнглсәр, эндр өдрт зун минһн гектарас урһц хураж авгдв.

Ода эн болн талдан төрмүдин тускар тодрхаһар. Волгоградск областьд һахасин маальг гем дәкнәс илткгдв. Иим әәмшгтә гем Михайловск района Кукушкин күүтрин өөр бәәх Раздоровск заказникин аһуд темдглгдв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Ода талдан төрмүдин тускар. 112 нертә бачм чинртә церглт дуудж авлһна нег гдсн тойгин туск закан Әрәсәд үүлдврт оржана.

Элст балһснд шажна ик чинртә керг-үүлдвр болх. Буддийск ниицәнә үрврәр мана танһчд һурвдад күндтә багш Намка Дриме Ринпоче залрж ирх.

Машинд автосуудл уга болхла һурвн минһн арслнг ял өгх кергтә. Насни дигт күрәд бичкдүдин әәмшг уга йовлһна тускар эс ухалжах жолачнриг шин закаһар чанһ засгла харһулх.