Танһчд 112 систем орулгджана
Тадн танһчин зәнг шуд эфирт хәләжәнәт. Һарцан цаарандан өгчәнәвидн. Ода талдан төрмүдин тускар. 112 нертә бачм чинртә церглт дуудж авлһна нег гдсн тойгин туск закан Әрәсәд үүлдврт оржана. Эн тойгар мобильн телефонас болн балһсна телефонас жиннүлж болх. Иргчдән энүнд смс илгәж болх. 112 нертә церглт олз-тустаһан медүлв. Энүнә дөнгәр ахр болзгт дөн күрггднә. Талдан халхаснь цуг церглтс чидлән негдүлж көдләд, әмтн цаглань дөн күргнә. Энүнә тускар цааранднь мана сюжетд келгджәнә.
Хальмг танһчин бичкдүдин амрлһна зунын лагерьмудт селгән төгсжәнә. Августын чилгч күртл болн сентябрь сард зәрм Б-З: сурһульчнр шишлнг заведеньст эрүл-мендән батрулж чадх, тер тоод зәрм бичкдүд талдан регионмудт амрч чадхмн. Үлгүрнь, Грушевая роша нертә санаторь Нальчик балһсна ке-сәәхн һазрт бәәнә. Тенгрин бәәдлин таал амрхд сән арһ өгнә. Тер мет Геленджик балһсна болн Үстин района Цаһан Амн селәнә санаторьмудт бас сәәнәр амрад, эрүл-мендән батрулж болх. Энүнд бичкдүд олн-зүсн эмнүлһ авна, тер тоод олн-зүсн ванн, массаж, физиоэмнүлһн бәәнә, эмнүлин физкультур кеж болх. Тер мет санаторьт сурһуль дасж болх. Цуг эн төрмүдәр Элст балһсна социальн харслһна заллтд цәәлһвр авч болх. Заллтин хайгнь иим — Элст балһсн, Очра Номтын нертә уульнц дөрвдгч гер, хойр зун арвн йисдгч хора.
