Танһчин правительствин сүүр эндр болв
Эндр танһчин правительствин дарани сүүр болв. Энүнд мал өсклһнә халх дөннлһнә төрәр тодрха күүндвр болв. Сүүрт хәләгдсн төрәр танһчин экономикин, болн хулд-гүүлгәнә министрин дарук Боова Бадмаев зәнглһ кев. Экономикин халхар Әрәсә нарта-делкән хулд-гүүлгәнә организацд орсна хөөн, му үлмәһән эс күргхин төләд танһчин государственн йосна органмуд ямаран керг-үүлдврмүд күцәжәхин туск төр хамгин түрүнд хәлгдв. Әрәсә ВТО-д орсна хөөн мал өсклһнә халхд, хамгин түрүнд һаха өсклһнә болн бод мал өсклһнә халхд му нилчән күргжәнә. Энүнә ашт үкрә махна зөврә кимдрв. Үлгүрнь, хойр минһн арсн хойрдгч жилд селәнә эдл-ахус бо малыг нег килограммнь зун — зун арвн арслнгар хулджасн бодхла, ода болхал энүнә нег килограммнь далн арслнг күрчәнә. Иим бичкн үн селәнә эдл — ахусин финансин бәәдлд му нилчән күргх. Танһчин селәнә эдл-ахун министрин негдгч дарук Олег Чомподовин келсәр, иим бәәдл ода цуг Әрәсәд тогтв. Иим бәәдләс көлтә мана региона селәнә эдл-ахун министертсв ирлцнһү керг-үүлдврмүд күцәжәнә.
