20 ноября 2013, 14:50
Көдлдго пенсионермудын пенсь немдгх
Хальмг танһчд иргч хойр минһн арвн дөрвдгч жилд пенсионермудын бәәдл-жирһлин хамгин баһ кемжән зурһан минһн тәвн һурвн арслнг тогтах. Региональн ведомствин урдаснь кесн то-дигәр, федеральн социальн немлт арвн һурвн минһн нәәмн зун жирн йисн көдлдго пенсионер авхмн. Бәәдл-жирһлин хамгин баһ кемжәнәс баһар пенсь авчах улсиг дөннхин төлә зун тәвн тавн сай арслнг йилһж өггдх. Урднь иим немр мөнг авчасн улс пенсионн сангд шин эрлһ орулж өгх керг уга. Хойр минһн арвн дөрвдгч жилин январин нег шинәс авн иим категорин улст пенсьнь шинәс тоолж өггдх. Урднь социальн немр мөнг авхин тускар эрлһ эс орулж өгсн улс Пенсионн сангд одад, иим эрлһ бичж чаджана.
