Капитальн ясврт мөнг эздүд орулж өгх

Танһчин правительствин закврар, Хальмгт олн патьрмудта гермүджт капитальн ясвр кехин төлә региональн санг бүрдәгдв. Некоммерческ чинртә шин организац гермүдин эздүдин мөнг цуглулж авх, энүг шишлнг счетд хадһлх, капитальн ясвр кехин төлә шишлнг региональн программ тогталһнд орлцх, марһас бүрдәх, ясврин көдлмшин чинр бүрткж хәләх.

Любовь Ерко өрк-бүлтәһән эн герт һучн жилдән бәәжәнә. Эн жилмүдин эргцд энд нег чигн дәкж капитальн ясвр кегдсн уга. Ода герин эрснд шуурха һарв, герин фасаднь сууж одв, канализац оньдин эвдрнә гиж герин комитетин ахлач келнә. Иим таал ода герт арвн зурһан өрк-бүл бәәршлжәнә. Шин залврин компань иим бәәдл чиклхәр седв чигн, герт кех көдлмш дала. Капитальн ясврин санг бүрдәхлә бәәдл сольгдх зөвтә.

Герин комитетин ахлач Любовь Ерко келсәр, иим мөнг цуглулж авх кергтә. герин эздүд эднд мөнгн бәәхнь медх. Мөнг сурж авх керг уга. Зуг иим мөнгн әмтн бәәсн гермүдин счетд орх зөвтә.

Патьрмудын эздүдәс цуглулж авсн мөнгн эн олн патьрта герин капиатальн ясврт олзлгдх зөвтә. Эздүдин тоолвра эднә орулж өгнс мөнгн эднә бәәсн герин счетд орулгдх зөвтә.

Николай Луганский келсәр, цуглулсн мөнгн зуг эднә герт ирх зөвтә. Эднә герин счет бәәхлә сән болх. Кергтә болхла мөнг авч болх. Эннь әмтнд эвтә болжана. Людмила Калашеван келсәр, кемр ясвр кех кергтә бюолхла оньдин мөнгн белн бәәх. Эннь чик керг болжана.

Иим мөнгнә кемжәг танһчин правительств тогтах зөвтә. Иргч хойр минһн арвн дөрвдгч жилд эздүдин сар болһн орулж өгдг мөнгнә кемжән нег дөрвлжн метрнь тавн арслнг хөрн деншг тогтах зөвтә. Хойр минһн арвн тавдгч жилд тавн арслнг тәвн деншг, арвн зурһадгч жилд тавн арслнг йирн деншг тогтах. Танһчин ЖКХ-н болн энергетикин министр Нелли Ткаечван келсәр, олн патьрта гермүдт бәәх цуг улс иим мөнг орулж өгх зөвтә. Зуг хуучн гермүдин эздүд иим мөнг өгшго.

Министр Нелли Ткачеван келсәр, цуглулсн мөнгн гермүдин счетд орж ирх зөвтә. Энүг бүрткж хәләх. Иим мөнгн зуг гермүдин эздүдин зөвшәләр олзлгдх. завлрин компаньд иим мөнгн орж иршго.

Ода олн паьрта гермүдин капитальн ясвр эздүдин орулж өгсн мөнгәр кегдх. Иим санг федеральн болн региональн бюджетмудас дөн авч чадә. Иим санг тогталһан эв-арһиг патьрмудн эздүд эврәннь хургтан шүүж авх зөвтә. Энүг иргч жилин мартын нег шин күртл кех кергтә. Кемр иим эв-арһ эс шүүж авхла, энүг региональн оператор эврән тогтах.

Бевина Мергн, Очра Сергей