Юстицин министерств көдлмшин аш диглв
Эндр Хальмг танһчар Әрәсән юстицин министерствин заллтин һардврин хань өргн оперативн селвләц кев. Энүнд хойр минһн арвн һурвдгч жилин церглтин үүлдврин аш диглгдв, иргч хойр минһн арвн дөрвдгч жилин түрүн өрәлд күцәх көдлмшин зура батлж авгдв. Энүнә тускар ведомствин һардач Алексей Надбитов зәнглв. Энүнә келсәр, хойр минһн арвн һурвдгч жилд юстицин халхар государственн политик күцәлһнә төлх бүрдәмжин болн дамшлтын керг-үүлдврмүд бүрдәж давулгдв. Государственн йосна орулж өгнс зөв-йосна кемжәнә документмудын төсвин һурвн зун найн дөрвн зөвин шинжлт кегдв. Энүнә ашар найн зурһан төсвәр селвгүд орулж өггдв, эннь шинжлтд орсн цуг төсвәс хөрн хойр процент тогтав. Хальмгин юстицин министерств нег минһн зурһан зун документар антикоррупционн шинжлт кегдв. Энүнә ашт зун хөрн зурһан коррупцин чинр илткгдв. Тер мет зәрм федеральн заканла эс ирлцжәх документмуд бәәнә гиж селвлцәнд келгдв.
