Степной эдл-ахуд мал бордлһна плошадк тосхгдв

Сарпинск района «Степной» СПК-д мал бордлһна плошадк тосхгдв. Иим бәәрнд удл уга нег минһн толһач бод мал асрж өскж болх. Үвлин киитн өдрмүдт хальмг тохма бод малыг өдртнь шимтә өвсәр, буудян зүүтә хотар асржана, давс өгнә. Тегәд чигн зунын-намрин кемд белдж авсн өвсн ода икәр өггджәнә. «Степной» СПК-н көдләчнрин келсәр, ода деерән малын хот элвг. Эн жил района нүүрлгч эдл-ахуд хойр минһн шаху бод мал үвлзжәнә. Хальмг тохма өвртә бод малыг цаглань, асрад, услад хәләхлә, ямаран киитн болв чигн эдн дааж һарна. Шин бордлһна плошадк бәрхин төлә инвестицин арвн тавн сай арлснг йилһж өггдв. Эн мөнгәр, хуучн малын хош шинрүлһнә төлә кергтә тосхлтын материал йилһж өггдв. Энд удл уга хальмг тохма бод мал олар өскгдх.