Эндр Әрәсәд Әрүн Валентина өдр

Әрүн Валентина сән өдр цуг нарт-делкән әмтн жил болһн темдглнә. Әрәсәд болхла эн байрин өдриг цөн жил хооран өргнәр темдглдг болв. Юнгад гихлә, баһчудт эн байр икәр таасгдна. Ода Әрәсәд баһчуд энүг дуран өгсн цуг улсин байр гиж темдглнә. Эн байрин өдр эдн дурта улстан, өөрхн элгн-садндан олн-зүсн белгүд белглнә. Иим өдр сүл цагт валентинкс белглдг болв. Эн әрүн байрин тускар мана дарани сюжет хәләтн.

Тегәд чигн баһ наста цагт сурһульчнр эврәннь серл-сегәһән медүлж чадхш. Тегәд иим байрин өдр эдн иим серл гегәһән йостаһар медүлж чадхш. Әрүн Валентина байрин өмн өргнд школ болһнд валентинкс тәвдг шишлнг яаршг углж тәвгднә. Баина Коокуеван келсәр, көвүнд дуран өгсинь тер медсн бийнь, дурлсн көвүндән валентикс бичх санан бәәнә. Энүг поштар йовулнав, авад умшх. Кичәлдән хамдан суухшвидн, тиихлә нег-негндән ик оньг тусхагдхш кичәлин хөөн герт күргнә, хамдан һаза йовж күүнднәвидн гиж Баина келнә. Коля Убушиевин келсәр, иим байр йир таасгдна. Иим өдрт эврәннь серл — гегәһән медүлж болна.

Әрүн Валентина байрин өдр дурта улстан олн-зүсн белгүд, тер тоод цецгүд болн цаасн валентикс баһчуд белглнә. Зәрм бичкдүд болхла эврәннь хумсндан зүрк зурна, талдан күүкд дурта көвүнә нер бичдг болв. Ода күүкд өвәрц эв-арһ олж авч.

Тегәд иим байр баһчудт, өрк-бүлтә улст болн гер мал уга улст сергмжтә болна. Февралин арвн дөрвнд болдг байрт әмтн нег-негндән дуран медүлж, сән хәрлцә тогтана. Тегәд эндр таднд эврәннь һарар кесн белг өгхлә, иим белг хамгин сән белг болж медгднә. Нег үлү, эн өдр таднд шүлг нерәдхлә, эннь кесгтән мартгдшго.

Санкун Кермн, Очра Сергей