Садовое селәнә дундын школд шин оборудовань углгдж тәвгдв

Сарпан района Садовое селәнә дундын школын сурһульчнр шин оборудованяр көдлжәнә. Шин некврлә ирлцжәх оборудовань селәнә школ тетклһнә программар ирв. Иргчдән эн оборудовань района талдан чигн школмудт углж тәвгдх.

Школын бәәдл жирлһин тускар эврәннь һарцан өдр болһн сурһульчнр эклжәнә. Сүрһульчнрин өдр бүүр йир соньн. Эндр өдр болхлаг «Жилин Багш»гидг керг үүлдвр эврәннь көдлмшән эклв. Эн тускар радиосонсанчнр сонсч чадв.

Эн керг үүлдвриг багшнр тенкән уга күләв. Эндр өдр эклц классмудын багшнр дөрлдхәр сана зүүжәнә. Марһанд орлцсн багшнрт болхла эдн цаһан хаалһ дурджана.

Ода болхла радиоһар соньн зәнг сонсгдв.Эн зәнгд сурһульчнр Садовое селәнә дундын школын негдгч классин шин оборудованьта болснь зәнглв. Эн байрта керг үүлдвр күүкд улсин байрин өмн өргнд болв. Эндр өдр эн шин техник углж тәвгджәнә, хамгин үтрүнд багшин орм белджәнә. Цөн өдрмүдин эргцд эн класст интерактивн самбр болн талдан шин некврлә ирлцжәх оборудовань углж тәвгдх. Энд өдр шин стандартар эклц класст сурһуль сурч йовх көвүд күүкд шин техник олзлж көдлх. Эн тускар маднд тодрхаһар Садовое селәнә школын багш келж өгв.

Урдк жилмүдт багшнр һарарн кесг цаас бичдг бәәсмн ода болхла комьютер олзлад маднд багшнрт көдлхд йир амр болна. Бичкдүдт бас шин некврлә ирлцжәх техник таасгдна кичәлән соньн кевәр давулнавидн.

Эндр өдр көгжмин хорад бас шин зев зевсгуд углж тәвгдх. Көгжмин синтезатор эрдм сурһулин программин халахар ирв. Дууна крүжокд орсн көвүд күүкдт шин техник таасгдна.

Өдр болһн бидн нааран ирәд олн зүсн көгжм даснавидн, кесг ду даснавидн гиж күүкд байрлж келж өгв. Сүл цагт школын болн сурһульчнрин бәәдл жирһл хүврв. Эндр өдр эднә школд раджио көдлжәнә, өдр болһн сурһульчнр шин зәнгслә багшнрин болн школд сурһуль сурч йовх көвүд күүкдиг танилдулжана. Дәкәд болхла радиоһар дамжулад сурһульчнриг һарсн өдрләннь халунар йөрәнә. Эн керг үүлдвр олн улст таасгджана.