Элст балһснд “Альков эк-эцкнр” гидг марһан давв

Элст балһсна 2гч тойгта школын ул деер «Альков эк-эцкнр» гидг марһан давв. Энүнд залус болн гергчүд хальмг улсин авг-бәрц, сойл болн кел яһж меддгнь үзүлв.

Жил болһн нарт делкән күүкд улсин сән өдрт нерәдгдсн керг-үүлдврмүд олар давулгдна. Келхд, Элст балһсна 2-гч школд эн байр зуг хальмг келәр давулдг болв. 2006-гч жиләс авн марһанд школын багшнр орлцла, эн жил болхла түрүн болж сурһульчнрин эк-эцкнр дөрлдв. Онц заахд, эн эрдм-сурһулин заведеньд кесг келн-улсин көвүд-күүкд сурһуль дасчана. Эдн цуһар хоорндан ни-негн, тевчнгү бәәнә. «Альков эк-эцкнр» гидг марһанд «Сәәхләс Бонд» болн «Хорд шовун» хойр команд орлцв. Эднд хальмг келнә багшнр Ирина Болтикова болн Галина Куроносова нөкд болв. Өрәл сарин туршарт орлцачнр хальмг үлгүрмүд, дуд, йөрәлмүд дасв.

Хамгин түрүнд марһана орлцачнр эврәннь өрк-бүлмүдин тускар хальмг келәр келж өгв. Келхд, «Хорд шовуд» командын ханьд Богославкиин өрк-бүл орв. Эднә өрк-бүлд хальмг болн орс келн-улсин авг-бәрц, авьяс сәәнәр меднә.

Эк-эцкнрән бичкдүд халунар дөннв. Нег үлү, марһана белдврин көдлмшт көвүд-күүкд шунмһа кевәр орлцсн билә. «Дуулыя биилия» гидг дөрлдән марһана хамгин дурта девс3 болв. Энүнд эк-эцкнр эврәннь билг-эрдмән сәәнәр үзүлв.

Марһана орлцачнр цуглрсн әмтнд болн жюрин гешүдт йоста байр үүдәв. Дөрлдәнә ашар жюрин гешүд эврәннь йөрәлин үгән келв.

Марһана бүрдәһәчнрин келсәр, тиим нәр-нааднд эк-эцкнр цааранднь чигн жил болһн давулх.

Энян Дельгр, Жамбин Дмитрий