Садовое селәнә дегтрин санг Цуг Әрәсән марһанд диилвр бәрв

Сарпан района Садовое селәнә дегтрин санг Цуг Әрәсән марһанд орлцад диилвр бәвр. Энүнд шин оборудовань болн дегтрмүд хулдж авгдв. Селәнә әмтн эндр өдр эврәннь сул цаган дегтрин сангд давулна.

Сарпинск района Садовое селәнә бичкдүдин дегтрин сангин ахлач Надежда Братчикова эндр өдр йир байрта бәәнә.Тиим ик чинртә марһанд диилвр бәрәд мана дегтрин санг өдгә цагин дегтрин сангла әдл болх — гиж дегтрин сангин ахлач келв.

Эн диилвр мана дегтрин сангин көдләчнрин диилв болжана тер юнгад гихлә энд олн жилдән дамшллта, әмтнлә ээлтә улс көдлжәнә. Эндр өдр баһчуд дегтр умшхан дурлхш, өдгә цагт бидн шин оборудовань хулд авхла нааран бичкдүд бөдүн улс ирж цаган соньн кевәр давулж чаджана-гиж Садовое селәнә бичкдүдин сангин ахлач Надежда Братчикова келв.

Эн өдрмүдт көдләр-мультимедийные проектор хулж авб. Дегтрин сангин көдләчнр эврәннь сангин тусскар соньн фильм цокч авад олн улс узүлнә. Эн фильмд дегрин сангин тууж тодрхаһар келгджәнә. 1921 жилд дегтр умшг хора дегд бичкн билә, эн хора урднь нег байна гер дотр бәәдг билә.Тер цагт һанцхн «Беднота» болн «Лапоть» гидг гезетмуд билә, нань талдан дегтр умшхд уга бәәсмн. Тер жиләс кесг жил давб. Сән му чигн билә. Ода тер цагиг санх дурн уга дегтрин сангин ахлач Татьяна Серова. Селәнә дегтрин санг балһсна сангас йилһрнә. Эндр өдр бидн эн марһанд орлцад бас эврәннь библиотекан шинрүлх санатавидн. Диилвр бәрсн мөнгәр дәкәд эн библиотекд сканер, принтер, хойр компьтер хулдж авгдв. Ут тоодан эндр өдр эн библиотекд 6 компьтер бәәнә, тегәд мана көдләчнрт көдлхд йир амр болх. Дәкәд болхлаг эн өдрмүдт эн библиотекд нег сай хойр зун дегтр ирв, компьтерн диск, болн комьютерар дамжулад хәләгдг фильмс ирсн билә.

Эндр өдр күн болһн нааран ирж эн шин техник олзлж көдлж чаджана. Сүл цагт Дегтрин санг олар әмтн ирдг болв, сул цаган эндр эн давулжана. Интернетар көдләж мөнгн эндр селәнә муниципальн бүрдәц даажана. Селәнә муниципальн бүрдәцин нилчәр эн дегтрин санг марһанд орлцж диилвр бәрв.

Селәнә муниципальн бүрдәцин ахлач Юрий Панченко келсәр эн керг үүлдврән бидн дорас өсч йөвх баһчудын төлә кежәнәвидн. Эдниг соньмсулхин төлә, цааранднь чигн иим чинртә керг бүрдәх санатавидн гиж ахлач келв.

Садовой смеләнә дегтрин сангла әдл Ик бүүрла района Хомутниковский болн Целинн района Овата селәдин библиотекмуд марһанд орлцад өдгә цагин библиотекимудын әдл болв.

Валентина Чучеева, Николай Хулхачиев