Вьет во дао федерацин көвүд күүкд Ярославль балһснд йовх

Эндр өдр хальмг Танһчин вовинам вьет во дао федерацин көвүд күүкд Ярославль балһснд йовх. Хальмг Танһчин нериг эн марһанд йилһән сән спортсменмүд харсх. Олн әмтнә тоолврар энд өдр бөк бәрлдәнә эв арһар күн болһн дасч чаджана. Ярославль балһснд одхин өмн чидлтә спортсменмүдлә мана зәнгч харһж күүндв.

Абушина Бакур вьет во дао бөк бәрллдәнә эв арһар 6 жилдән дасчана.Эн цагин эргц Әрәсән болн Өмн үзгин федеральн округин чемпион болв. Йилһән сәәнәр бийән олн зүсн марһаст үзүләд Әрәсән команмудын ханьд орв. Эн өдрмүдт Бакур ик чинртә марһанд орлцхар бийән белджәнә.

Бакур бичкн цагасн авн спорт дурта бәәсмн. Тегәд нааран ирсндән йир байрлжана. Эндр өдр олн зүсн марһаст орлцад дала үүрмүдтә болв. Эндр өдр эн спорт күн болһнд тусан күргх гиж Бакур маднд келв.

Цөн жил хооран Тихона Сирдобивцева эк эцкнь спортивн секц бичүлж орулв. Хамгин түрүнд эк эцкин тоолврар эн керг үүлдвр баһ наста көвүд эрүл мендт сән ниолчән күргх, эдн чанһ Чиирг өсх. Хөөн көвүнд эн бөк бәрлдәнә эв арһ таасгдв. 1З наста болв чигн баһ наста көвүн шидр Хошемины болн Комбоджи балһснас ирв. Тенд болдсн марһанд хойрдг орм эзлв.

Бидн болхлаг эн марһанд ик урдаснь ирләвидн. Марһана өмн бидн талдан келн улсла таньлдвидн. Эднә үзүлсн вьет водао бөк бәрллдәнә цуг эв арһс эврә нүдәрн үзүвидн.

Вьет во дао федерацин президент Батнасун Окаджиевин келсәр эн спорт хамгин түрүнд дорас өсч йовх баһчуд чик ухалх, эрүл мендт, өдр бүүрин бәәдл жирһлд нилчән күргнә. Эндр өдр мана секцд бичкдүд бөдүн улс чигн орна, хамгин бичкн 6 наста.

Эндр өдр гертән суусн баһчуд цогц махмудан батруллхин төлә олн зүсн секцд орх зөвтә. Тер юнгад гихлә талдан балһснд одад сурһуль сурч йовхла бийән, үүрмүдән чигн харсх чаджана.

Ярославль балһснд болх чемпионатд йилһән сән чидлтә спортсменмүд орлцх. Талдан балһснд давулдг марһасмуд мана хальмгин көвүдт дамшлт өгнә. Диилвр эс бәрв чигн эдн дор ормдан зогслго өмәрән зүткж йовна.